無可否認，女神Kayden Kross係好正，但正還正，女神都會做錯事，會被四仔迷鬧！話說早前Kayden Kross宣布「有限度」復出，但係近日佢卻動作多多，有成人新聞網報道佢主理嘅鹹網「TRENCHCOATx」最近發大嚟搞，同Jules Jordan Video簽約成合作夥伴，由即日起Jules Jordan Video會幫「TRENCHCOATx」發行四仔，每個月至少有一部。本來呢個報道冇乜特別，之但係同時有多個新聞網站大篇幅咁報道呢單News就唔同喇，大家都睇得出，Kayden Kross打晒感情牌叫網站幫佢造勢，以達宣傳之效！
咁有咩錯呀？不知者不罪，但Kayden Kross一定有錯，咁就要講吓歷史喇！大家唔好忘記「TRENCHCOATx」當日係Kayden Kross同另一脫星Stoya共同創立，到今年5月1日Stoya對外宣布脫離「TRENCHCOATx」，剩低Kayden姐一人獨撐，不過自此「TRENCHCOATx」新聞不絕，同時Kayden姐亦多咗蒲頭，咁有乜問題？問題係「TRENCHCOATx」嘅宗旨係要維護演出者嘅利益外，仲要將已扭曲嘅色情文化重回正軌，尊重男女演員，營造不同性別公平性權益，而唔會側重喺男權或女權，甚至嘩眾取寵炒作性話題。但講就偉大，既然宣布得定期發行四仔，即係點都要拍一套四仔派街啦，細佬並非睇小女神唔得，不過我唔信係女神口中嘅公平四仔囉！
撰文：祖