呢個年代拍即影即有先叫潮，而用嚟影裸照，再印刷成寫真集就更加潮喇！邊個咁潮玩呢啲？之唔係攝影師Nate Igor Smith，你想起佢底可以上佢官方網站「drivenbyboredom.com」慢慢了解，而細佬簡單介紹一下呢位仁兄，佢係80後潮人，既係攝影師，又拍過電影，又組過Band，更係專欄作家，真係百足咁多爪，可惜唔係瓣瓣掂，撈得最掂始終係同色情有關，即係幫四仔脫星拍照，亦由於佢長達10年喺四仔界浸淫，唔單止完全掌握業界運作，同脫星關係亦非常好，好多仲成為佢嘅好友，得閒無事都會相約出嚟影吓相。
識得人多，寫真儲量又多，咁梗係唔好嘥啦，近日Nate哥就推出一本名叫《Instaxxx》嘅即影即有寫真集，一定比o靚模寫真集精彩百倍，事關呢本寫真集厚達180頁，收集多達300張即影即有，入面有數百位素人、裸模及脫星，唔裸同全裸乜都有，相多字少巴打可以慢慢睇。至於推出呢本寫真集嘅目的，簡單講其實係總結一下Nate哥從「影」以來嘅工作點滴，展示佢個人風格、喜好及變化，而呢本寫真集其實喺眾籌網站Kickstarter集資20,000美元印製，多得400位支持者慷慨解囊，亦係目前Kickstarter排名前50位最受支持嘅Photobook項目之一，呢本寫真集真係威水呀！
書名：《Instaxxx》
售價：約HK$323
撰文：祖