日本人對三國歷史真係有異常嘅熱愛，各種以三國歷史為題嘅漫畫、動畫、小說同遊戲多不勝數，而從呢啲作品仲可以學識歷史人物添！唔係講笑，好似問大家知唔知甘王后係邊位？相信冇邊個可以答得出啦！今次介紹呢個甘王后嘅模式，就係嚟自日本線上街機對戰交換卡片遊戲《三國志大戰》其中一個角色，雖然佢以巨乳美少女嘅形象登場，但係大家咪以為呢位甘王后係一位虛構出嚟嘅歷史人物，查實甘王后又叫做昭烈王后，史書又稱甘夫人，而根據《夔州府志》記載佢真名叫甘梅。沛縣人嘅佢係劉備喺徐州小沛居住時所納嘅妾侍，亦係劉禪嘅娘親，其後佢喺荊州過身，並葬於荊州南部，劉備於白帝城過身後，佢跟劉備合葬。