世事無奇不有，被人告就算唔一身蟻都有排煩，但原來有人因此而爆紅，睇嚟Sofi Ryan真係要多謝班執法人員先得喇！綜合成人新聞網報道指，Sofi Ryan除咗係一名脫星仔，亦係一位「咖啡西施」（Bikini Barista），即係着住超性感嘅比堅尼沖咖啡侍客，喺美國西雅圖非常出名，而Sofi Ryan因為習慣咗全裸拍四仔，所以沖咖啡不時會「飛Bra走奶」，結果經常收到執法部門警告，早前更被人提告添！Sofi Ryan接受網站訪問時解釋，查實Bikini Barista絕非色情娛樂，希望各界唔好戴有色眼鏡去睇，甚至因為想抽水而光顧。講就咁講啫，訪問出街之後，不知幾多男人都想一賭Sofi Ryan真人有幾正，令阿妹人氣急升；另外，因為呢件事，四仔廠即刻拉Sofi Ryan開拍一套《Bikini Barista》四仔。不過老實講，呢套四仔超搵笨，事關Sofi Ryan由頭到尾都冇沖咖啡，只係着住套比堅尼同男優執劑勁，真係不睇也罷。