踏入暑假，學生哥唔使晨早起身返學，但係唔代表佢哋都好得閒喎，因為唔少家長都會安排仔女報讀暑期課程，等佢哋唔使無所事事。而喺日本AV界，一眾女優當然冇暑假放啦，但係就舉辦咗個學園祭享受返學嘅滋味！
日本AV界競爭激烈，各個AV集團為咗爭取好業績而各出奇謀，努力招攬優質女優，同時發揮最高創意炮製精彩AV作品畀大家欣賞。不過，小弟覺得一個為AV迷幸福着想嘅AV集團其實應該不止於此，最好當然係落力又落本咁搞多啲活動畀AV女優同AV迷打成一片啦！呢一方面，作為龍頭企業嘅北都集團同Prestige就最失敗喇，一年都冇一個半個比較似樣嘅公開活動，SOD則好少少，前年搞咗個活動，更出動120個AV女優喺淺草花屋敷遊樂園同AV迷玩足一日。至於KMP就做得最好，每年都會舉行「Million學園祭」，試過喺運動場舉行，女優同AV迷進行運動比賽，亦試過喺一個布置成課室嘅會場進行競技比賽，包括鬥打機同玩紙牌遊戲，不過今次唔同以往，AV女優同AV迷唔再互相比拚，而係開騷與眾同樂。
當晚7點喺高田馬場Club Phase開騷，每位入場人士要畀6,900日圓入場費，約476港元，雖然價值都幾貴，但係亦無阻一眾AV迷嘅入場意欲，150張門票好快就賣晒，咁亦難怪，因為今次學園祭有10位女優演出，可以話係近期一個最大型嘅女優活動。至於表演女優有邊10個呢？包括KMP現役一姐佐倉絆、阿部乃美久、佳苗瑠華、南梨央奈、尾上若葉、濱崎真緒、椎名空、夏目愛莉、宮崎彩以及淺田結梨，個個都有番咁上下知名度，而且都係青春活潑嘅美少女。學園祭一開始，只見到班女優排排坐，原來主持人想先考吓佢哋嘅知識。從結果睇嚟，班女優唔係得個樣，好似問到宮崎彩知唔知道拿破崙嘅名言，阿妹就答「在我字典中沒有KO一字」，而正確答案係「在我字典中沒有難字」，兩者都係差少少啫。另外，問到女優們知唔知「等等力」係乜，就只有阿部乃美久答得出係東京世田谷區一個地方名，而美久之所以知道呢個地方咁叻女，係因為佢曾經同男仔喺附近爆過房！
阿部乃美久除咗答得出「等等力」呢個問題，喺之後嘅問答比賽亦表現出色，最後以驕人成績考奪第一名，連主持人都大讚美久喺知識方面擁有相當高水平，不愧為女優組合棉花爆3D+嘅領導人。至於其他女優，濱崎真緒呢位新一代癡女嘅成績就唔多好，不過包尾嘅唔係佢，而係宮崎彩！由於彩妹考第尾，大會特別頒發一份特別獎畀佢，就係100萬嘅KMP馬鹿圓，咁宮崎彩咪發達，似獎勵佢多啲喎！非也！呢100萬馬鹿圓睇得唔使得，只係KMP用嚟搞笑嘅虛擬貨幣，而日語「馬鹿」則有「白癡」嘅意思，諷刺宮崎彩知識唔合格。最後10位女優齊齊除低套水手裝，換上泳裝上演泳衣騷，喺台上搔首弄姿，睇得AV迷興奮無比，總算冇令來賓失望。
排名 分數 AV女優
第1名 74分 阿部乃美久
第2名 66分 淺田結梨
第3名 62分 椎名空
第4名 52分 尾上若葉
第5名 49分 南梨央奈
第6名 45分 佐倉絆
第7名 41分 夏目愛莉
第8名 40分 佳苗瑠華
第9名 28分 濱崎真緒
第10名 19分 宮崎彩
撰文：賢