每個數目字嘅背後，總會被人賦予唔同嘅意思，好似81呢個數目字，驟眼睇落去好似冇乜特別意思，原來喺情慾俚語中，佢象徵住唔同嘅情慾意義。不過講到最令人意外嘅，係日本AV界有位女優同呢個數目字有密切關係！
大家唔好睇錯，呢個直譯做「81基地」嘅英文情色俚語「81st Base」，同傳聞外星人基地「51區」一啲關係都冇，卻同鍾意狂歡嘅男士有好密切嘅關係，究竟佢係乜嘢意思呢？原來所謂「81st Base」係指一場極為荒淫嘅派對，而當中有幾樣嘢係必須要有嘅，包括10條小黃瓜、10個火辣女郎、一座充氣城堡、10個眼罩、1個失明男士、一罐忌廉、一部數碼攝錄機同埋一份雞肉三文治。10條小黃瓜點玩，相信唔使多講都知道係畀女郎使用，而10個眼罩則係用嚟蒙住佢哋雙眼，等作為充氣城堡內唯一嘅男玩家，可以用忌廉同佢哋邊拍攝邊玩情慾遊戲，玩到肚餓，咪食番件三文治囉！至於失明男士又點呢？咪就係作為服務員嘅同時，又睇唔到場內男女玩得幾咁荒淫。咁點解係「81」呢個數目字呢？講法有好多種，有人話係同一種女女之間嘅性愛玩法有關，亦有人話係因為同最初提供呢種瘋狂派對玩法嘅夜總會名稱有關，實情係點真係冇人講得清。
「Eighty-One」又稱為「81」，佢並唔係乜嘢暗號，而係指一種女女之間嘅性愛玩法。要理解乜嘢叫做「Eighty-One」，先要明白乜嘢叫做「Eighty-Eight」，所謂「Eighty-Eight」係指專為女女性愛所用嘅情趣玩具，一支兩端外形好似男性兵器嘅像真如意棒，英文名稱叫做「Two-Headed Dildo」。由於使用呢支棒棒時，女女雙臀緊貼，拼埋一齊就好似數目字「88」，因而得到「Eighty-Eight」嘅稱號。而「Eighty-One」就係建基於呢種玩法上，所產生出嚟嘅玩意，過程中佢使用多一種情趣玩具，就係穿戴式假棒棒，英文叫做「Strap-On Dildo」或「Dildo Harness」。講到「Strap-On Dildo」，原來佢由來已久，據稱早喺公元前10,000年前嘅石器時代，就已經出土過一具用動物牙齒製成嘅穿戴式假棒棒。
呢套四仔《Barefoot Confidential #81》唔單止銷量高兼有口碑，更係美國四仔史上一個紀錄。事關美國四仔界曾經有過唔少長青系列，好似《Gangland》、《Pick Up Lines》等，但係講到系列作品總數超過80集，並且喺四仔頒獎禮中屢獲殊榮，就要數到呢個戀足主題四仔《Barefoot Confidential》系列，喺2014年9月推出嘅《Barefoot Confidential #81》，更係被四仔迷視為四仔歷史嘅里程碑！原來早喺1998年發行第一集起，及至今年4月推出嘅最新一集為止，呢個系列已經推出咗96集。講番佢嘅劇情，其實好簡單，無非係搵嚟一班美腿脫星大玩腳法，之後就同猛男啪啪啪。雖然係咁，由於鏡頭拍得勁到位，加上一眾脫星肉緊嘅演出，令佢自1999年起，先後喺AVN頒獎禮及Adam Film World Guide頒獎禮中，多次獲得最佳鏡頭、最佳戀足系列作品、最佳特殊題材作品、最佳特殊系列等獎項，難怪佢長拍長有。
日本AV古怪題材相當多，而超乎大家想像嘅女優亦有唔少，好似超長身、超巨乳等已經令人大開眼界。不過講到最令AV迷震驚嘅，卻要數呢位喺去年出道，被喻為現今AV界年紀最大嘅女優小笠原祐子。喺1936年出生嘅小笠原祐子，去年憑住AV片廠Ruby作品《八十路初攝》出道，當時佢已經80歲，計埋佢喺今年3月推出嘅作品《81歲的AV女優》，共演出過5套作品。據日本媒體稱，小笠原祐子嘅丈夫早喺佢57歲時已過身，而佢之前嘅性伴侶只有丈夫一人。經營一間小酒館嘅小笠原祐子，上年被AV片廠邀請演出AV，而抱住好奇心參觀AV拍攝後就決定下海。小笠原
祐子表示AV界好似一個新世界咁，令佢得到一種從未試過嘅體驗，而佢接受法國電視台訪問時，被問到打算演出到幾時，佢就話大概仲有精神揸車嘅時候。不過話時話，如此重口味嘅演出，究竟有幾多人會睇呢？
撰文：魂