上位有好多方法，好似近期有港女自爆為咗搵銀養家過日本拍AV，真假都好啦，至少阿妹爆紅！其實出口術唔係港女專利，美國脫星都好興呢味，今期有位叫Bella Rose嘅新女就喺個人嘅YouTube頻道，為脫星界「伸張正義」，自拍一段名為《Porn is a Real Job》嘅短片，大談脫星拍四仔都係工作咁話！呢段長達15分鐘嘅短片，Bella妹一邊揸車一邊自拍，先唔好講作為脫星冇露點冇波罅睇等於冇賣點，仲要無刪剪一Take過喪吹水，即使阿妹自己睇都覺得悶啦！所以唔理阿妹段片內容幾有Point、幾有建議性，作為一個寂寂無聞嘅新人，以為拍段片就可以引起網民熱議，簡直太天真啦！數據係冇得呃人嘅，短片發布咗一個月，只得逾1千點擊率，喂，阿妹求其露一點，都唔只呢個數啦！