不論係色情場所嘅負責人，定係囡囡都最怕玩家半途彈女，但係作為服務行業，為咗唔想得失客人，若然唔係太離譜的話，佢哋都會應承對方替換囡囡。乜嘢叫做唔係太離譜呢？就係未開始服務之前，加上一個合理嘅理由，而最常見嘅理由就係嫌囡囡嘅按摩技術唔到家，若然以囡囡着得唔夠性感嘅理由彈女，咁就真係太離譜啦！
台灣高雄三民區有一間泰式色情按摩店，早前就遇到一個麻煩姜姓玩家，入店後姜男就問負責人有冇新女，聽到負責人話有之後，佢叫對方安排囡囡入房，而佢則喺房中等候。等咗一陣，有位35歲越南籍陳姓囡囡入房提供服務，呢個時候姜男畀咗陳女1,300元新台幣按摩費。點知過咗冇耐，姜男同負責人講話要彈女，理由係佢嫌陳女着得唔夠性感，可能佢自己都覺得呢個理由唔夠充分，於是加多個覺得陳女按摩技術唔夠好，負責人惟有再安排另一位阮姓囡囡服侍姜男，搞咗一輪，呢次姜男好滿意咁畀咗500元新台幣阮女，以換取對方提供半套服務，結果完事後，警方突然推門而入，原來姜男撞正警方突擊檢查按摩店，警方喺房內發現沾有姜男精華素嘅黑色紙底褲，並以此作為證據將姜男及阮女逮捕。想講嘅重點係，如果佢唔係亂咁彈女，冇浪費時間嘅話，應該可以避得過有關當局嘅行動。
撰文：魂