日本屁股節人人露臀

美麗的誤會

「屁股節」又稱為「搖屁股節」或「光屁股節」，舉辦日期由每年7月1日至15日為止，至於點解會出現呢個節日呢？原來一切嚟自美麗嘅誤會。事緣每年日本各地都會喺呢段時間內舉辦夏日祭典，而祭典中嘅重頭戲莫過於一班穿着「褌」（即係我哋所講嘅布襠褲）嘅男士，抬住大型神輿遊街慶祝。由於「褌」呢種傳統祭典服，會露出男士嘅臀部關係，故此當外國人見到呢種情景，卻又唔知日本人有夏日祭典傳統嘅情況下，便索性直稱佢做「屁股節」。雖然一切源自誤會，但部分地方嘅日本人卻又樂於錯有錯着，將夏祭改稱為「屁股節」，而當中最為著名嘅莫過於每年呢個時候，喺福岡櫛田神社舉辦嘅「博多祇園山笠祭」，另外井手蒲嘅「屁股節」及山笠嘅「屁股祭」（尻祭）亦相當出名。

內田理央股祭

其實除咗7月係「屁股節」之外，網上亦有人將10月3日定為「屁股之日」，唔少性感女星甚至素人，都會上載性感的露股照益街坊。

講到美股寫真，就不得不提被日本網民稱為去年最強嘅美股寫真集，甚至有「股祭」之稱嘅《內田理央寫真集 Birthday Ceremony》。喺1991年9月27日於東京出生嘅寫真女優內田理央，活潑可愛又有身材，而佢喺呢本寫真中，更有大量展現美臀甚至露股嘅性感寫真。如此性感嘅原因，係因為寫真以妄想同理央嚟個一星期夏威夷旅行，並且環繞「我想跟理央進行略帶性感嘅7件事」為主題。有趣嘅係寫真仲加入咗日本寫真界首次採用嘅「Siri」功能，只要將手機影住張寫真相，然後觸碰手機屏幕，就能聽到理央甜美嘅聲音，認真動人呀！

風俗孃應節

出名諗頭多多嘅風俗界，亦覺得「屁股節」邪念十足，於是日本風俗短片網站「FuuTube」喺去年為咗應節，舉辦一個名為「風俗孃屁股節」嘅活動。所謂風俗短片網站，即係會將風俗孃拍成宣傳短片，然後進行宣傳嘅網站。呢個活動嘅內容好簡單，就係由網站總編輯Zaki及副編輯嚴選網站內最正美股短片，被選出嘅短片名為「風俗孃的美股短片」，而為咗公平起見，佢哋仲會解釋埋短片獲選嘅原因，結果佢哋選出位於神戶嘅「Wonder 7」、錦絲町嘅「E+」、西川口嘅「M&M Maid與男之夢物語。」同埋和歌山嘅「Charmy Mama」呢4間風俗店嘅風俗孃擁有最為迷人嘅美股。

女性布襠褲

布襠褲露出大大個八月十五，賣相性感，但係好似冇女性穿着？咁你就錯喇！事關日本布襠褲公司Sheepeace設計出專為女性穿着嘅布襠褲。據呢間公司稱，布襠褲不但可以好時尚，仲要係男女都啱着，理由係既通爽又舒適，最重要係唔會被橡筋褲頭勒實個肚，最適合想放鬆心情嘅夜晚穿着。呢個專為女性而設嘅布襠褲系列，除咗用充滿少女風嘅粉色及印花外，更有3種唔同嘅款式，分別係可愛又貼身嘅綁帶「低矮型」、可以包實臀部並令女性充滿安全感嘅綁帶「舒適型」，以及適合日間穿嘅兼用咗橡筋褲頭，方便女性去廁所嘅「日常型」。呢款女性專用布襠褲售價由1,500日圓（約HK$107）起，唔知有冇女士想體驗一下呢種開放式嘅感覺呢？

撰文：魂