好多男士經常以自己已經勤做床上運動嘅藉口，而唔願意做運動，於是日本有間風俗店便將運動同曳曳合二為一，為玩家提供既可強身健體，又可以一洩精華嘅機會。位於東京池袋嘅美容出張風俗店「Doctor Stretch」，喺2015年5月開業，最初提供傳統嘅按摩加風俗服務，其後為咗吸引更多客人幫襯，將瑜伽融入服務之中，玩法係風俗孃上門後，先同玩家玩一輪瑜伽，等玩家獲得足夠運動量，同時透過身體接觸從而挑起玩家嘅情慾。大家唔好以為呢班風俗孃玩瑜伽只係做吓樣，查實佢哋大部分都經過瑜伽訓練，做起嚟有板有眼。最近風俗店又推出名為「波子健身操」新玩法，心水清嘅玩家一睇個名，就知道風俗孃會用高超嘅手技，重振男士一對波子嘅活力。據風俗店稱，呢種健身操唔單止可令男士精氣勃勃，更可以令男士疲勞嘅身體，變得更加鬆弛，同時又具有減壓作用，如果加埋瑜伽，效果仲會更強咁話。不過大家唔好以為玩家發射升空後，風俗孃就收工，原來佢哋仲會為玩家提供事後按摩服務，佢哋話咁樣做對男士嚟講更具保健作用，姑勿論係咪真係有效，單憑呢點已覺得佢哋夠細心。另一點受玩家歡迎嘅原因係收費唔算貴，120分鐘服務為26,000日圓（約1,820港元），又做運動又可以曳曳，好抵玩。