台灣為咗彌補內地遊客人數下降，於是對東南亞多個地方提供自由行嘅便利之策，卻因此成為色情集團對台輸入囡囡嘅漏洞。須知道東南亞囡囡喺台灣一直有相當嘅市場，除咗佢哋嘅收費便宜外，亦因為對色情業者嚟講比較容易管理。不過礙於以往東南亞囡囡到台跑短線嘅入境手續較麻煩關係，故此以前大多以逃走女傭為主。及至自由行政策開放，唔少業界人士讓囡囡以自由行身份喺台灣短做兩個星期，部分更會以逾期居留嘅方法，延長搵銀時間，難怪近期發現從事色情業嘅東南亞囡囡人數有不斷上升嘅趨勢。好似喺上個月，台北市萬華分局警方喺執行「淨化治安專案」行動時，喺內江街一間商務旅館中破獲一個色情應召站。據稱呢個應召站以「選妃」作為賣點，利用社交應用程式招客，並提供囡囡嘅年齡、三圍、相片等資料，而玩家可直接進行預約。為咗避過警方突擊檢查，應召站不但安排嚟自東南亞嘅囡囡藏身於旅館內，並每3至5日安排囡囡轉換房間以避過警方嘅搜查。不過雖然應召站工夫做到足，但仍然逃唔過警方嘅法眼，經過一輪搜證後就採取行動，喺旅館內逮捕3名內地女子及1名以自由行觀光名義到台旅遊嘅泰國籍女子，連同應召站負責人及4名嫖客合共9人帶返署偵辦。