有玩家曾經問過點樣區分台灣嘅美容店、養生館等場所有提供色情服務呢？其實方法不外乎睇吓佢哋有冇網上嘅色情介紹，或者直接問場內人士即可，但係好似呢間色情養生館咁，將個安全套擺出嚟「明示」畀玩家知，卻係前所未聞。呢間位於高雄市三民區嘅三層式色情養生館，為咗吸引玩家幫襯，於是喺店內3樓嘅展示櫃內明目張膽擺放一個安全套，有心嘅玩家一睇就知店內有色情服務提供。本嚟呢種做法都幾別開生面，但係早前當地警方收到舉報，指店內聘請年輕小姐為玩家提供色情服務，經過一輪調查後，警方採取突擊行動，先喺2樓嘅包廂中，查獲一對正進行服務嘅52歲陳姓裸男，以及21歲朱姓嘅美容師。據朱女稱，佢為陳男以1,600元新台幣（約400港元）嘅價錢提供半套服務，卻估唔到仲未完事警方就嚟到。不過最令警方驚訝嘅係喺3樓「陳列」嘅安全套，於是佢哋查問25歲嘅周姓養生館負責人，周男辯稱呢個安全套並非用嚟「明示」玩家店內有色情服務，而係作為美容館嘅風水擺設，佢仲聲稱自己並唔知朱女提供半套服務。對於呢種講法，警方梗係唔相信啦！結果佢連同陳男及朱女，依妨害風化罪嫌及違反社維法裁處。