紅酒放得耐就會變得香味馥郁、味道醇厚；而日本寫真女郎都係一樣，出道日子耐咗，其風韻同魅力愈濃厚，好似今日同大家見面嘅山崎真實同原幹惠兩位寫真天后咁，只係施展半球誘惑，已迷盡天下男人！
日本文化對香港文化嘅衝擊都咪話唔大，好似飲食業咁，「放題」二字來自日本，至於娛樂新聞，「乜乜女星罕有素顏現身」，「素顏」二字又係源於日本。提到素顏，真係令人又驚又喜，驚者係因為好多女仔唔化妝個樣真係殘到不得了，喜者亦有女仔天生麗質，唔化妝流露自然美反而更加討好，山崎真實就係其中一位喇！
寫真天后山崎真實近期密密喺寫真界出招，今年3月推出相隔多年嘅個人寫真集，最近亦推出寫真映像作品《M》。真實初出道時以姊系風格突圍，如今年屆三十，女人味更濃，風格就更加強烈，就算唔化妝亦一樣散發出驚人嘅攝人神韻！此外，真實身材高挑又纖巧，經過長時間練習體操之後健美感十足。喺本作當中，大家可以見到真實發揮其素顏風韻之餘，仲會睇到佢舉手投足、搔首弄姿嘅畫面都盡展體態美以及胴體柔軟度，而服裝上則以施展半球誘惑為主，唔會過分露出，相當配合其高雅姊系風格。
碟名：《M》
收錄時間：81分鐘
售價：約HK$283
好多寫真女郎為咗挽救下滑中嘅人氣，會不惜一脫，作出全裸而唔露點嘅演出，又或者索性瞓身博一鋪，直情嚟個三點盡露谷人氣！成功例子有唔少，失敗者當然亦不計其數啦！呢啲都只不過係二三線寫真妹博翻身嘅伎倆，實力夠、人氣強嘅天后級女優根本唔使咁做，堅守陣地只作酥胸半露一樣夠晒賣點，邊個天后咁把炮先？咪就係原幹惠囉！
原幹惠擁有一副無與倫比嘅迷人正統派美貌，靠個樣都已經令男人神魂顛倒！而原幹惠仲擁有一副激凸又曲線優美嘅豐滿胴體，胸前嘅脹卜卜G奶更加屬於日本寫真界嘅頂級巨乳！《HUG ME!》就係原幹惠最新嘅寫真映像作品，當中原幹惠繼續其只露半球嘅風格，但係喺演出上會多添幾分嬌俏，以可愛兼具治愈能量嘅笑容飾演女護等惹人遐想嘅角色，可以話係近年難得一見，亦反映出原幹惠的確實力非凡，唔靠裸露一樣可以發揮出攝人魅力！
碟名：《HUG ME!》
收錄時間：103分鐘
售價：約HK$283
撰文：賢