先唔好問有咩脫星、有冇剝衫、主持係邊個，淨係有女陪食都已經話題性十足啦！但你估唔到，美國四仔界喺70年代興起，竟然發展到今日先有類似嘅節目，你話係咪失敗先！更失敗嘅係，節目名叫《Dinner With Ron》，Ron即係一代經典男優Ron Jeremy，大叔佢喺幾年前已退下火線，但江湖地位夠重，所以至今好多四仔迷都視佢為偶像。節目失敗唔係因為佢名氣唔夠，係因為佢本人淨係掛住食，喺近半粒鐘嘅節目內，幾乎冇理會過嘉賓脫星噏乜，一味喪擦唔停口，睇嚟製作公司HotMovies要同Ron哥傾吓先得喇！
講番個節目，其實叫《Dinner With Ron》本來已經冇乜叫座力，加上Ron哥掛住食，雖然仲有兩位業界猛人，但係都已經老到頭都白埋，同樣齋喺度食食食，中間夾住兩位不同年代脫星Luna Star及Tia Cyrus，阿妹正爆就唔使講，問題係拍攝鏡頭真係衰過業餘，現場唔夠光又唔打燈，阿妹露波罅又唔影，想點？唯一吸引巴打繼續收睇嘅，除咗因為免費，睇怕都係脫星大談私下性生活囉，問題係全英文對答，冇中文字幕，問心，幾多人會睇晒呢？