小時候成日聽到阿媽嗌頭痛，咁又係我小時候曳到不得了，阿媽對住我唔頭痛就假啦！不過，據我了解，母親大人其實真係患有偏頭痛，故為表孝意報答母親嘅養育之恩，小弟不時會為母親大人按摩一下頭部以作紓緩。到家陣長大成人，小弟終於領略到頭痛嘅滋味，特別係放完悠長假期之後返到公司，情況尤其嚴重，簡直可以話痛不欲生！面對壓力大家會頭痛，原來唔少女性喺交歡之後亦會出現頭痛，有女性更加會因此而對交歡產生恐懼添！醫生Sherry A. Ross表示有女性會喺交歡獲得高潮之後出現原發性頭痛（Primary Sexual Headaches），初步相信呢種頭痛出現嘅原因同體內嘅腎上腺素有關，因為高潮嘅時候體內嘅腎上腺素水平急速上升，高潮過後水平隨之下降，就會引起頭痛喇！而唔少經歷過呢種頭痛嘅女性或多或少都會對交歡留下陰影，甚至性趣低落，至於解決方法最好就係尋求醫生協助。