做人要冷靜同機智，而喺床上要令女伴快感滿瀉，亦一樣要記住呢兩個重點。要令女伴得到高潮，男方最好要建立床上自信心，至於點先做得好呢？正所謂知己知彼，百戰百勝，男士們除咗要建立自信，最好就係了解自己以及女伴嘅心態。
小弟有一位紅顏知己，雖然當初係我溝唔到佢，不過大家都知道彼此勉強喺埋一齊只係徒添苦惱，不如好似家陣咁得閒出嚟食個飯、短聚一下仲好。紅顏知己表示曾經為我心動過，之但係最後冇揀我嘅原因係小弟唔夠醒目，往往喺佢提出各種暗示之後都冇反應，因而令其熱情冷卻落嚟。其實男士們唔單止喺拍拖溝女方面要膽大心細、眉精眼企，喺床上亦一樣。床上技術書《Advanced Sexual Techniques》嘅作者Linda Banner博士都係咁話，佢最近就為幫助男士們取悅女伴而提出三個重點，第一個係唔好立亂換招式，唔少男人用適當嘅體位刺激女方，但卻察覺唔到女方感到興奮，若然繼續落去其實可以達到高潮，之不過男方就忽略咗女方嘅反應而換招，因而令女方快感驟降。第二點係唔好忽略前戲，呢一點應該大家都知道喇。第三就係唔好因為自己太快洩射而感到自卑，博士話女方多數都唔會介意你係咪太快洩射，而係注重你點繼續刺激佢，所以男方可以喺洩射之後依然手口並用令女方飽嘗快感，令佢哋得到滿足。
師傅成日教我，做人千祈唔好過分自滿，同時亦唔可以缺乏自信，如果做人冇自信，行出嚟都冇台型，咁仲點叫人對你有信心，安心同你一齊合作以及委以重任呢！徒弟仔我平時做人嘅自信心就冇乜高低，但係喺床上就有幾分自信心！如果大家對自己嘅床上表現唔夠信心，可以聽吓性學專家Tracey Cox嘅建議以作改善。專家表示好多男人對自己嘅身材冇信心，繼而對床上表現缺乏自信，其實感受係從內心出發，提議男士們不妨同伴侶閉起雙眼享受彼此喺房事時嘅感受，而唔係成日掛住望對方個樣同身材。專家亦建議大家注重飲食健康，吸收足夠營養之餘，亦唔好食到太肥，因為肥胖可能引致心血管疾病，繼而影響勃起功能。運動亦相當重要，保持良好運動習慣除咗可以令身材更弗，仲可以令床上表現更活潑同持久。最後係學識愛護對方，做事從考慮對方嘅心情出發，咁做會令對方覺得你特別迷人。
剛才提及到男人要喺床上表現出自信心來，最好就係學識愛護對方，顧及其感受，除咗呢方面，最好當然係了解埋女伴有乜喜好。最近資訊聞網站Daily Star綜合咗多個研究報告嘅結果，以幫助男人了解女伴嘅心態。一般男士喺床上平均會用5.4分鐘時間完事，但係調查指出大部分女性都可以做至少16分鐘，當中前戲佔大部分時間。SM玩意係唔少人嘅喜愛，受訪嘅女性當中有75%意欲嘗試被輕力綑綁起嚟。好多男人都以一招床技走天涯，但係女人就鍾意男人至少要換兩至三次體位。有人認為烏燈黑火下激戰最浪漫，而女人又點睇呢？原來有67%女性鍾意喺光線充足嘅環境之下進行各種性愛行為。對於自己嘅床上要求羞於啟齒？咁又點可以滿足到大家呢！調查結果顯示男女雙方有商有量，對於性關係會更加滿足。
撰文：賢