今期熱話一定係被人告侵權嘅成人網站「myAV SUPER」，各大社交網都被洗版，巴打呼籲一人一J谷爆網站，間接幫鹹網宣傳，你今日上咗未先？之不過唔係抄就代表有運行，喺美國四仔界，邊個「侵犯」名星個朵，最終都係衰得好慘！
眼前脫星自由奔放，鍾意點砌點玩話晒事，你覺得佢哋好Free？可以話你知，其實脫星唯一自由係得個名可以話吓事！前年PornHub已有數據調查，統計現今脫星相頭及三圍數字，結果發現不論膚色、髮型髮色、眼耳口鼻及巨乳巨躉，坊間脫星整容效果都好似倒模咁，囡囡要紅就冇得揀一定要跟，唔跟即係同錢作對，因為片廠唔會搵你拍戲。惟獨係脫星嘅藝名可以自己決定，仲可以改多幾個名喺不同地方搵食，鍾意嘅話可以日日改個新名添！好似今期又有一位脫星改名，佢就係Chloe Couture，現改名叫Chloe Cherry，阿妹喺2015年入行砌，演出超過50多部四仔，同過Brazzers、Colette、Devils Film、Dogfart、Evil Angel、Girlfriends Films、Girlsway及HardX等合作，統統都係大廠製作，咁點解阿妹衰到連個樣係點都冇人記得呢？咪因為衰喺個名度囉！早前佢宣布改用新名Chloe Cherry，唔再叫Chloe Couture，仲話當初一心以為Couture呢個名讀音夠響又有型，巴打實記得佢，點知畀人話極似男人名，聽見就唔想J，阿妹堅持咗兩年後咪要跪低囉！Chloe Cherry呢個名雖然係好普通，但勝在易記又夠女性化先吖！
可能大家會話Lisa Ann個名夠普通啦，點解今日仲有人J先？喂，要知道「Lisa」及「 Ann」兩個字合埋又紅得起嘅，只得佢一個人，而且後無來者。查實四仔脫星改名係一個學問，亦有學者對此做過研究，據網站alternet一篇標題為「How Do Porn Stars Choose Their Names?」，分析四仔工業由60年代至今出位脫星名字由來，當中最傳奇肯定係Annie Sprinkle，現年62歲，入行前自稱做過妓女及艷舞孃，之後拍四仔，阿姐接受訪問時解釋Annie呢個名簡單易記，配合當時親民形象，至於Sprinkle有灑水含意，配合嗰個年代男人出海嗜好，游水就會聯想到佢，就好似美人魚咁喎！Annie姐仲話有留意脫星改名潮，喺70年代，Angelina及Jennifer最常見，80及90年代鍾意陽光氣息名字，好似Sunny Leone，到千禧年打後就鍾意優雅名字如Joanna Angel、Alexis Texas等。原來男優改藝名都好講究，唔使好威猛，反而着重氣質，好似Nick Manning、Francois Sagat、Jack Lawrence及Lexington Steele等，個名好有大明星Feel！
另外，外國有網站統計發現每個年代都有脫星以明星嘅名字做藝名，但結果都係冇個撈得起，「死因」同脫星嘅演技及床技無關，完全係個名作怪！
Britney Spears係樂壇巨星，而Britney Rears自稱非常欣賞偶像，希望星途可以學對方一樣衝出國際，所以喺2003年入行改呢個名，可惜換嚟四仔迷恥笑，之後改名Jessica Sweet都無補於事，最後黯然離開脫星界！
咪神女星Monica Bellucci雖然年過半百，但至今仲係意大利國寶級演員，兩年前仲成為史上最老邦女郎拍新一輯占士邦添！而俄羅斯27歲Monica Beluchi想沾人哋旺氣，所以改咗呢個藝名，點知上網Search連相都冇張囉！
Olivia Wilde係美國女演員兼Model，拍過嘅電影包括 《創戰紀》、《天煞西部反擊戰》及電視劇《醫神》等，好睇就公認啦。但自認係影迷嘅29歲脫星Olivia Wilder自7年前改咗呢個名，到今日都未紅過囉！
當年有「世界頭號美人」之稱嘅「玉婆」Elizabeth Taylor，又稱Liz Taylor，10歲活躍大銀幕，一生充滿傳奇，莫講話成就，要學佢咁索都難啦，但Lizz Tayler改呢個名擺明影射人哋，雖然阿妹質素唔曳，但都係攞架嚟丟！
80年代美國搖滾樂手Nikki Sixx喺世界各地勁多歌迷，尤其係女粉絲冧到震，Nikki Sexx甚至唔介意用偶像個名，再惡搞一番變成「Sexx」，睇落好有意思，可惜最終被歌迷覺得佢玩得過火，集體罷J，結果搞死自己前途！
撰文：祖