打工仔經常話逗波士份糧唔容易，波士卻話做人老闆甚艱難。雖然大家都話難，但打工仔嘅人工，同波士卻有很大分別，單係睇吓兩者戴嘅手錶，當中差幾多錢就知道。其實喺情慾字海中，Boss及波士有關嘅俚語有邊啲呢？
「Boss Player」直譯係波士玩家，唔通係指波士級嘅土豪玩家？非也，查實係扯皮條咁解，亦即帶玩家搵女嘅中介。關於扯皮條嘅出處，網上有唔少解釋。有人指清朝北京有個著名紅燈區叫皮條營，人力車伕經常喺周邊地區兜客，久而久之，專門喺附近載客嘅人力車伕就被稱為拉皮條。有人則表示佢出於晚清小說《文明小史》第16回：「那個是馬伕阿四，一向不做好事情，是專門替人家拉皮條的，這一男一女，就是他拉的皮條。」不過有學者認為，扯皮條一詞同當時江湖「切語」有關，切語即係暗語，按特定規律所創造出來，方法係將原字嘅聲母同韻母拆開，然後各自分別加上韻母同聲母，從而將原本一個字分拆成兩個字，因此「皮（Pi）條（Tiao）」正係由「嫖（Piao）」分拆而成嘅暗語，而扯或拉喺北方都有帶路、搵嘅意思，加埋一齊就成為妓女同嫖客之間嘅中介。唔知邊個講法可信啲呢？
「Who's the Boss？」意謂「邊個係波士？」咁正經嘅問題，點解會同性愛扯上關係呢？原來佢係美國常見嘅一種提升床上樂趣說話。如果有睇開美國四仔，或荷里活電影嘅激情戲，都會聽過男主角喺床上同女主角玩推車仔臨爆發一刻，突然會大聲問對方「Who's the Boss？」然後女主角會大聲講出對方名字。呢個問題可凸顯男性喺推車仔呢個體位嘅主導地位，從而添加床上樂趣。提起推車仔體位，經常有人將佢同狗仔式撈埋嚟講，其實兩者係有分別（口架），分別喺女伴對腳度。推車仔時女伴對腳係直立分開，而狗仔式嘅女伴對腳係跪喺度分開，大家唔好再搞錯喇！
返工已經唔想對住波士，放工諗住煲四仔卻仍要睇套同波士有關嘅戲？梗係唔同啦！皆因呢套由四仔片廠喺1987年推出嘅作品《The Boss》，不但搵嚟殿堂級四仔名導Paul Thomas主理，更有當時紅到發紫嘅脫星Dana Dylan、Mike Horner、Krista Lane等坐鎮，絕對係不容錯過嘅佳作。故事講述一班美艷OL，每日嘅工作就係為波士解決生理需要。不過正當大家睇到（慶）合合嘅時候，卻會發現原來呢班OL各懷鬼胎，充分演繹出辦公室政治嘅神髓。其實Paul Thomas原名為Philip Charles Toubus，起初佢係百老匯歌舞劇演員，1976年開始演出四仔，1983年憑住《Virginia》獲得AFAA最佳四仔男脫星獎。1984年開始執導四仔，並於1991年以作品《Beauty and the Beast》奪得AVN最佳四仔導演獎，其後又喺多個四仔頒獎禮中獲得最佳導演獎項，絕對係位實力派四仔導演。
AV女優兼職做風俗孃或陪酒女郎我哋就聽得多，只係拍AV拍到做埋波士，唔知大家又聽過未呢？日本人氣AV女優花蕾正係其中一位。呢位1987年12月25日生於日本山口縣嘅女優，憑住一對33D車頭燈及萌爆樣貌，2006年4月以處女作《新人×超薄馬賽克》出道，喺日本AV界獲得極高人氣。唔少人都知道佢演出AV豬籠入水，只係冇乜人知原來佢不但係Vanquish事務所（事務所於2016年改名Rerise Promotion）旗下AV女優之一，更係事務所嘅合夥人！呢間位於東京目黑區嘅事務所，旗下曾有唔少超人氣女優，包括花穗、麻生希、春川真央、大堀香奈等，現時則有木村都那、愛華美玲、西川里音等女優。雖然花蕾已貴為波士級人馬，但仍然積極喺AV界發「片」，呢種波士真係積極呀！
撰文：魂