玩家都知道好多囡囡都會虛報年齡呢個潛規則，理由好簡單，邊個囡囡想畀人知道真實年齡原來係咁大年紀呢？不過乜都講規矩嘅日本人，就連風俗孃虛報年齡都有規矩，而呢個規矩稱之為「吉原年齡」。雖然唔知呢種虛報年齡法係咪源自吉原，只知佢早喺昔日嘅妓館已經出現。「吉原年齡」係點計法呢？實際年齡20至22歲，「吉原年齡」係20歲；實際年齡23至25歲，「吉原年齡」就係21歲；實際年齡26至28歲，「吉原年齡」係22歲；實際年齡29至31歲，「吉原年齡」則係23歲、實際年齡32至34歲，「吉原年齡」為24歲，餘此類推。有心水清嘅玩家會問：「如果風俗孃實齡係20歲，風俗店會唔會報成17歲？咁樣唔夠秤喎！」因此「吉原年齡」嘅下限係20歲，咁就唔會出現唔夠秤問題。時至今日，呢種計法雖然仍流行於日本風俗界，但近年卻有唔少風俗店主張取消呢種規定，一來虛報年齡冇乜意思，熟女亦有市場，報細啲唔會有用，而差嗰3歲亦分別唔大，二來係玩家早知有咁嘅規矩，因此唔信風俗店所介紹嘅囡囡年齡，甚至有玩家直斥呢種係欺詐行為。有見及此，風俗店索性將風俗孃嘅真實年齡公開。