有人以為做歡場囡囡好容易，只需要有啲姿色再騷吓身材，跟住同玩家啪啪啪，打完個冷震後就有錢收，而且上班時間極之彈性，不知幾正。如果閣下係咁諗嘅話，就大錯特錯喇！事關歡場囡囡嘅工作唔係大家睇得咁簡單，更要搵命博o架！早前江門蓬江法院審結咗一宗故意傷害案，案中陳姓男子被判有期徒刑11個月。事緣45歲陳男喺去年8月，因盜竊罪被判有期徒刑9年，刑滿獲釋後，於江門一間工廠工作，某晚喺餐館飲飽食醉後，於巷中遇到一名年約40歲嘅街女，陳男以50元人民幣同對方到出租屋內交易，點知喺交易途中兩人發生爭執，街女搶去陳男手機，而陳男將手機奪回後，先用手機敲打對方嘅頭同面，再拳毆對方，又用熱水淋。逞兇後，陳男嚟唔切着褲就奪門而逃，期間遇到街女嘅楊姓男友，於是兩人打起上嚟，楊男隨後報警，結果警方將陳男緝捕歸案。