彈性相當重要，做人要有彈性，千祈唔好死板唔識轉膊，返工亦最好彈性上班時間啦！而欣賞日本寫真女郎，彈性可以話係首要條件，因為女優胴體夠彈性證明佢哋狀態良好，點好法呢？好似今日為大家介紹嘅北內美里同櫻井繪里奈兩位寫真界美乳新勢力咁喇！
早前坊間興起玩跳彈床，可以一個人跳，亦適合一大班朋友喺彈床上玩遊戲，一來可以發洩多餘精力以及爭取更多運動量，二來大家彈吓彈吓，心情都特別興奮，不失為一個良好嘅消閒活動。提到彈彈吓，要彈得好需要一定腳力至得，好似北內美里咁雙腳就非常有力喇！
樣子綺麗又充滿姊系味道嘅美里擔任賽車女郎出身，及後因為上圍激凸而獲得寫真界垂青，當然唔少得拍水着寫真啦。唔知係咪因為美里做賽車女郎嘅時候，成日都要企定定擺姿勢畀人影相，所以家陣就練出強韌無比嘅腿功！喺《Journey》寫真映像作品中，美里不時做出深蹲動作表演「M」字張腿，展現出優美腿部曲線，亦令觀眾嘅焦點不經意咁被三角地帶吸引過去。另外，美里亦會坐上健身球用腳帶動身體不住彈吓彈吓，更會表演立定一字馬，阿妹咁好腿功不如轉行做打女搵食啦！
碟名：《Journey》
收錄時間：98分鐘
售價：約HK$286
一架跑車幾貴幾靚都冇用，最重要係一踩油就畀到你動力十足嘅感覺，如果唔係一架冇力嘅靚車只係得個睇字，不如放喺博物館展覽好過喇！而日本寫真界女郎都係一樣，樣子生得幾靚，副偈幾弗幾有曲線美都只係其次，能夠展現出無窮活力先至最出色，呢一方面櫻井繪里奈就絕對冇問題喇！
櫻井繪里奈貴為日本選美活動「MISS Young 2016」冠軍得主，出眾嘅唔單止係雪白又豐滿嘅胴體，仲有一副充滿治愈能量嘅甜美溫文面孔以及活潑精靈嘅性格。喺《さくらいろ》寫真映像作品中，繪里奈更加會將呢種令男人心靈大感幸福嘅能量以自身活力加倍放大，演出嘅時候特別多喺戶外跑跑跳跳，運動過程當中連佢自己都忍唔住因為無端端做咁多動作而爆笑起嚟，顯出一派天真傻氣！之後繪里奈會停落嚟沖個涼，仲會扮可愛貓女食串燒，以美食、美色以及冇時停嘅活力表現餵飽觀眾。
碟名：《さくらいろ》
收錄時間：112分鐘
售價：約HK$286
撰文：賢