令女伴高潮迭起係好多男人嘅目標，除咗令對方得到性愛上嘅滿足，原來仲可以令女伴覺得自己更加有男人味！提到上床，女性有好多床上表現都有其含意，但係男人又明唔明呢？早前有一個來自日本嘅調查，以了解男人見到女人邊一個身體部分走樣，令佢哋性慾頓失呢？
師傅成日都教禍從口出嘅道理，叫我去到邊度打工都好，最好都係少說話多做事，其實喺男人同女人之間嘅性關係亦一樣，始終都係行動最實際，亦即係以實際行為令女伴喺床上得到滿足，當然能夠令女伴高潮迭起梗係好，但係唔能夠的話亦唔好亂咁講嘢。早前外國有份研究了解一下女性嘅高潮同男子氣概是否有關，搵來810名成年人協助，從佢哋同女伴嘅關係當中以了解佢哋是否能夠令女伴高潮，以及女伴對佢哋嘅觀感有咩改變。研究結果發現，能夠成功喺床上令女伴達到高潮嘅男性，喺女伴眼中特別有男子氣概，亦更加性感，而女伴對佢哋態度亦別具溫柔體貼。另一方面，女性最怕嘅唔係男伴唔能夠令佢哋高潮，而係最怕男人吹噓自己嘅性技能有幾強有幾勁，但實際上卻係另一回事，所以話呢，做人幾時都要謙虛。
女人最鍾意打爛沙盤問到篤，而男人就往往將問題收於心底，原因當然係好多問題嘅答案唔方便向女友坦白啦！但係換轉喺床上面，女仔一般都唔會開口講出心中所想，搞到男人不知如何入手去令女友開心。之不過，女仔唔開口，卻有好多男人錯誤解讀其心思。早前網站「THE FRISKY」搵來專家分析出幾個常見嘅誤解喇。第一個係為女伴提供口舌服務，男人聽到女伴發出享受嘅呻吟聲，就以為對方好受落，然後就進行長時間口舌服務，專家指出口舌服務幾舒服都好，時間長短適中就可以喇，但係太短當然唔好。第二就係當女伴話「繼續呀」嘅時候，好多男人都會加速及加大力度衝刺，專家話女人咁樣講係希望男方保持此刻嘅抽送頻度同力度。另外，女伴享受抽送，男人通常都會繼續埋頭苦幹直至洩射，專家就話其實床戰唔代表不停抽送，瘋狂同密集式嘅抽送唔單止令男人疲倦，女性嘅體能亦有負擔，所以不妨喺抽送期間稍作暫停，等大家抖番啖氣然後再行抽送。
係女人都貪靚，亦希望面容同身材永遠都保持青春。為此，女士們不惜大灑金錢，同時花時間同心機做運動及學習美容保養工夫。對此，男人會覺得歲月不饒人乃不變定律，女人花咁多錢同心機都係徒然。之不過，佢哋唔明白女人咁做都係為咗取悅男人啫！而事實上男人對於女性嘅外觀亦覺得相當重要，日本網站BizLady就訪問過500名成年男性，問佢哋認為女性身上邊個部分走樣令佢哋性趣驟失，結果男人最怕見到女人嘅胸部下垂，即時冇晒性趣。其次係肚腩，第三則係面上出現皺紋，第四係牙齒不整齊同整潔，第五係有口氣。睇吓！女人如果唔好好注重自己嘅外表，你班男人就連上床嘅興趣都冇埋啦！
撰文：賢