每個行業都會有新陳代謝，每個年頭日本AV界都有大量新人加入，同時亦有唔少女優引退。而今年對於妹系女優愛好者嚟講，絕對唔係一個好年頭，因為繼妹系偶像櫻木凜宣告引退之後，最近另一位出色嘅妹系女優櫻由羅亦宣布退出。今年22歲嘅櫻由羅喺2014年出道，係AV廠kawaii嘅專屬女優，一直備受力捧，對於一向唔會善待以及長用專屬女優嘅k廠嚟講，反映出櫻由羅出色到令k廠對佢如此重用。之不過，上年櫻由羅開完一次粉絲見面會之後就突然消聲匿迹，早前喺網上表示要去海外升學而作短暫引退，仲取消角逐DMM成人大獎嘅最優秀女優獎添！消息來得如此突然，梗係令人莫名其妙啦！更奇怪嘅係隔咗半年之後櫻由羅又繼續拍AV，唔係話去外國讀書咩？點知喺3月尾，櫻由羅喺博客表示引退，原因係身體不適，需要休養一段日子！消息一出，好多女優如希島愛里、白石茉莉奈、桃乃木香奈等都紛紛留言，內容充滿關懷同痛惜之情，睇嚟櫻由羅今次引退應該係認真，在此希望阿妹身體安康啦！