如果大家有經歷過以往北上去倉仔、髮廊、沐足店搵女嘅年代，就知道呢啲倉仔通常都係設喺橫街窄巷，同埋一啲城中村嘅出租屋之中。雖然經過近年內地有關當局不斷嚴打，但呢啲倉仔嘅經營模式仍然未變，變嘅只係變得位處愈嚟愈偏僻同愈嚟愈隱蔽，好似番禺嘅石碁鎮就係其中一個好例子。大家唔知佢喺邊？唔緊要，因為家陣已經冇得玩。話說自今年2月開始，當地警方就對轄區內嘅黃賭場所進行一連串專案行動，並先後召開多個會議部署掃蕩行動。行動針對當地嘅商業街、公園及城中村等黃賭場所容易藏匿嘅地方，與此同時更喺民間搜集情報，最後制訂出一系列嘅針對措施，當中分別有喺特定時段進行設崗查車查人、喺被舉報嘅涉黃黑點設立巷長制及召開出租屋大會，對出租屋及商舖業主進行管理教育，另外仲不定期展開「洗樓式」掃蕩行動，加上各部門嘅聯合整治行動，以全方位嘅形式打擊當地涉及黃賭黑點。結果經過多次行動後，共檢查倉庫102間、出租屋116棟同商舖94間，不但搗破多個賭檔，更查處拉客招嫖及賣淫嫖娼案件共7宗，同時逮捕14名疑犯。上述掃黃措施中，最厲害就係巷長制，皆因搵番當地人檢查自己條街，有乜嘢都走唔甩，呢招真係高！