但凡同獸字有關嘅成語總唔係好嘢，好似洪水猛獸、人面獸心、衣冠禽獸等，你話係咪幾悲先？不過原來喺英文嘅情慾俚語中，雖然野獸同Beast有時會指一啲獸性人類，但又唔一定係負面詞語，以下為大家介紹一下。
「Sexual Beast」呢個俚語同佢嘅字面解釋一樣，即係為性而衝動嘅野獸，當中嘅野獸可以係男亦可以係女。每當佢哋性慾亢奮嘅時候，不但會好似野獸咁衝動，而且行為亦會變得富有侵略性，簡單嚟講即係既粗魯又粗暴。至於俚語中嘅「Beast」，除咗同「Sexual Beast」嘅意思差唔多之外，喺英國亦係性罪犯嘅貶義詞，從呢個角度嚟睇，佢同我哋中文嘅「禽獸」意思一樣。講開外國嘅野獸相關字，英文俚語中有「Beastess」呢個詞語，泛指淫亂女性，亦係屬於貶義詞。
Beast嘅中文解做野獸，只係當大家睇到「Beast with two backs」呢個詞語時，千祈唔好以為佢係一種獸性行為，其實佢係指一種都幾常見嘅性愛體位，亦即係我哋所講嘅傳教士式，因此有人用呢個詞語嚟暗指性行為。事實上，早喺16世紀英國文學作品中，已經見到呢種用法，好似莎士比亞於1603年創作嘅經典作品《奧賽羅》中，就有「Iago. I am one, sir, that comes to tell you your daughter and the Moor are now making the beast with two backs.」（伊阿古先生，我係特意嚟告訴你，你個女正同嗰個摩爾人曳曳。）有人話佢係第一個喺文學作品用呢句俚語嘅人，只係亦有唔少人相信，早喺莎翁用呢句俚語之前，當時已經流行講呢句說話。
童話故事中嘅《美女與野獸》絕對係經典作品，亦因為咁嘅緣故，佢經常被美國四仔片廠睇中，先後以呢套作品嘅名稱，拍過多套限制級作品，當中最著名嘅要數由美國老牌四仔片廠VCA喺1990年推出嘅《Beauty And The Beast Part 2》。呢套由四仔殿堂級導演Paul Thomas執導，並由美艷脫星Tracey Adams擔綱演出嘅作品，其實係1988年四級版《Beauty And The Beast》嘅續集。不過有別於改編自原著童話嘅前作，呢套續集係全新創作嘅劇情，因而引起極大關注，亦令故事更有睇頭和新鮮感。故事講述被美艷王后吸引嘅國王，體內潛藏嘅野獸基因被喚起，引發城堡內連串色慾風波。作品不但喺1991年嘅AVN頒獎禮中，榮獲最佳四仔作品大獎，其後更被AVN評為500套必睇美國四仔作品之一。
可以喚起AV迷獸性嘅日本AV女優固然唔少，只係充滿戰鬥力嘅涉谷系女優代表人物，絕對唔可以唔提喺1990年8月25日於日本兵庫縣出生嘅AIKA。呢位身高5呎4吋，擁有34E、24、33火辣身材嘅女優，憑住黑澀肌膚嘅辣妹形象，喺2011年1月演出由AV片廠Prestige出品嘅《援交 巨乳娘包租 Vol.13》正式出道。雖然擁有野性外形同超強戰鬥力，但人氣一直唔算太高，及至2015年佢嘅命運出現轉變，由於AV界嘅涉谷系女優唔多，加上佢積極健身同曬黑，身材變得健美之餘令外形更具侵略性，人氣隨之愈嚟愈高。佢先喺去年5月舉辦嘅DMM成人獎中獲得優秀女優獎，今年3月初舉行嘅Sky PerfecTV成人放送大賞，更榮獲最佳女主角大獎，名副其實係捱出頭！
撰文：魂