寫手H一向鍾意玩感情，如何玩？就是出去蒲的時候，除了明買明賣那一套，還喜歡溝女，問他這樣玩不怕上身嗎？寫手H回應我說：「自己不是新手，但求一洩的年紀早就過了，現在自己四十幾歲人，一洩當然都仲緊要，不過點都想玩起來有少少Feel，你當我係中年危機啦，想證明自己仍然有魅力吖嘛！」近年聽他的故事有不少，包括買埋生日蛋糕上骨場同骨女慶祝生日，約夜總會囡囡睇戲而不是開房，一年前他還周圍打聽深圳包女價格，「唔係嘛，咁勇敢？」那次我忍不住問他，寫手H回應我：「仲諗緊，有啲衝動o架！」
至於後來寫手H有沒有包養囡囡成功，「無啦，最後佢雖然無直接推我，但感受到佢嫌我出手低，後來佢仲借啲意疏遠我，唉！」口說歡場冇真愛，但顯然，他依然是樂此不疲，最新一單是他近期愛玩鳳樓，更癲到說下個月要請假，跟一位囡囡返鄉下住幾日，「係呀，泰國囡囡嚟，幫襯過佢幾次，有啲感覺，又傾到偈，咪陪佢返泰國住幾日！」不怕危險？我問他，「我單身寡佬，有乜好怕先？」的確，旁觀者無權說話。
撰文：黃韋龍