最近有套港產片以殭屍為題材，內容甚具本土味，相信唔少鍾意睇殭屍戲又想回味本土情懷嘅朋友都會入場欣賞！講到對抗殭屍，最近日本寫真界小甜心柳優里菜亦瞓身打吸血殭屍，第一次擔正做殭屍電影女主角嘅佢，表現相當出色！
俗語有話孻仔拉心肝，年紀較細嘅孻仔通常都會獲得父母家人特別照顧同痛錫，不過作為孻仔嘅小弟就冇特別感覺，又或者係我本身生得醜樣又冇用啦，所以總係覺得父母比較看重醒目仔哥哥多啲。講番正題先，喺日本寫真界有唔少姊妹女優齊齊拍寫真嘅例子，家姐通常比較成熟綺麗，至於妹妹就甜美可愛，好似柳優里菜咁。
22歲嘅優里菜樣子生得清純可人，形象鮮明出眾兼具特強整潔感，面孔散發出艷陽般嘅光芒，小弟今日終於知道所謂「省鏡」，應該就係指好似優里菜呢種靚女喇！相對於姐姐柳彩葉，優里菜比較可愛，身材肉感亦較強，但係阿妹副靚偈豐滿得嚟極具曲線美，唔會令人覺得肥膩，加上胸前嘅E奶雪白又堅挺，吸睛力十足，睇到人流晒口水！
家姐柳彩葉無論美貌同身材都比妹妹柳優里菜優勝，但係若論事業發展，妹妹優里菜嘅事業運就明顯強好多，深得觀眾以及影視圈鍾愛喇。優里菜喺2013年出道拍寫真，憑可愛面孔以及惹火身材，人氣火速上升，之後以古裝扮相拍攝一個紅酒廣告，成為一時佳話，人人大讚佢宜古亦宜今。
由於優里菜魅力非凡，喺2015年引嚟狂迷騷擾，當時阿妹舉行握手會，一名男子同佢握完手之後就捉實優里菜隻手唔放，當時工作人員及時將男子制服至無事咋！幸好，優里菜嘅心情並冇受影響，事業發展一帆風順，近期除咗演出大爆內幕嘅電視節目《最惡之日》，阿妹亦變身殭屍獵人，喺電影《Vampire Night》中挺起胸膛，拎起支槍同殭屍打過，顯出強悍一面。
年齡：22歲
身高：5呎4吋
三圍：33E-24-34
簡介：柳優里菜每日都工作繁忙，不過佢忙極都會喺Twitter發布最新消息同靚相，想追蹤阿妹嘅動向，就要Click入去睇喇。
網址：https://twitter.com/yngyrn0419?lang=ja
撰文：賢