學習要尋根問柢，做事要有根有據，無論係男人、做兵抑或奴才，「根」都係相當重要，皆因每個男人都有子孫根，如果唔係點樣展現自己嘅雄風呢？講開「根」，其實喺情色字海中，有唔少同根及Root有關嘅俚語，今次為大家介紹一二！
「Root」嘅中文意思係根部，喺絕大多數情況下，佢都係一個好正面嘅詞語。不過原來喺澳洲俗語中，佢竟然係同F字頭嘅粗口係同一個意思，亦即係但凡用上F字頭嘅粗口，都可以用「Root」嚟代替。例句：「If you wanna root (fxxk), just ask!」（如果你想X，請講！）有呢種用法嘅原因好簡單，就係為咗唔想直接講出F字頭嘅粗口。講開F字頭嘅粗口，原來佢早喺15世紀嘅英語文獻中，已可發現其蹤影，只係當時究竟係咪用作粗口，同埋佢嘅字源已不可考證，普遍認為呢個詞語源自盎格魯-撒克遜人（Anglo-Saxons）。
「Root Suit」直譯會得出「根部衣服」呢個意思，只係佢背後係指乜嘢呢？「Root」喺英文世界有男性子孫根嘅意思，而穿着喺根上嘅衣服好明顯只得一種，避孕套是也，故此「Root Suit」為避孕套嘅花名。雖然男人對避孕套有相當嘅認識，但大家知唔知最貴嘅避孕套要幾多錢呢？答案係472英鎊！去年2月有人喺歐洲一個拍賣網站，拍賣咗一個據講喺200年前，用羊膠製成嘅避孕套，結果兌成港紙以四千幾元成交，因而獲得全球最貴避孕套之名。歷史因素固然係佢貴嘅原因之一，另一原因係羊腸套嘅製作煩瑣，當時只有富豪先至買得起。
美國四仔嘅題材其實唔少，當中有唔少以惡搞人氣電視劇同電影為主題，好似呢套由Evasive Angles Entertainment喺2011年推出嘅《Can't Be Roots XXX Parody - The Untold Story》係其中之一。由殿堂級四仔男星兼導演T.T. Boy執導，並搵嚟Haley Sweet、Natalie Beck、Nikki Stone等脫星演出，惡搞70年代著名小說兼喺1977年被拍成電視劇後獲獎無數嘅《Roots》。不過呢套變成四仔嘅惡搞作品，推出後惹嚟極大爭議，皆因原作講述一位被賣到美國嘅非洲黑奴，及其後代困苦生活嘅真實故事。家陣變成荒淫四仔，縱然當中已經淡化咗好多歷史元素，只係唔少人仍覺得佢對原著不敬，故被人彈到飛起，所以話，惡搞四仔唔一定受歡迎。
日文「男根」係指男士嘅子孫根，而「巨根」即係巨大嘅子孫根。喺日本AV男優中，能夠稱得上巨根男，一定唔可以唔提澤井亮。呢位喺1980年4月2日於日本滋賀縣高島市出生嘅男優，身高5呎11吋不但擁有鋼條身形，佢更憑住長達20厘米嘅巨根，令佢喺AV界頗具名氣。憑住如此巨根縱橫AV界超過10年之餘，同佢交戰過嘅AV女優更超過5,000名！不過真正為佢打開知名度嘅，要數佢喺日本電視節目《矛盾大對決》亮相。當時佢以「絕對不會射的男人」之名對戰拓也哥，而憑住呢次演出，令大家認識到呢位AV巨根男，人氣更有超越AV男優清水健之勢。不過佢喺2014年2月捲入涉嫌勾搭未成年少女事件中，成為佢男優生涯嘅污點。
撰文：魂