同事P最近說要轉行了，「跑咗十幾年，唔好話我哋做雜誌愈來愈難做，其實撈夜行咪一樣插水，呢幾年邊瓣得呀？以前識落嘅老闆，邊個無嗌晒救命？不過呢兩年都少聽咗囉，因為嗌都無用，打定輸數啦。」他搖着頭說，如果早知今日市況，早早轉行，或者不至於如今的狼狽，「邊有早知㗎？」印刷傳媒走下坡，也可以轉到網上，只是連你報道的行業也不如當初，故事又不同了，「最初入行個個星期走兩次澳門，一過到去，做嘢做唔完，又多新場開，個個都嚟搵你！呢兩年？邊間場仲肯做嘢呀？咪返番20年前，透明化無晒囉！」
澳門轉回低調，曾經風光一時的香港夜場，沒多久也下滑，當然，生意還是有得做的，只是風景不同了，而且只要你一高調，問題、麻煩就找上門了，作為傳媒，的確不再像以前那麼多事發生，「鳳姐係旺呀，但影鳳姐有風險，所以都係咪搞。」同事P所說的風險，是之前有網站拍鳳姐惹上官非，當然他們的做法涉及金錢，不是同一回事。內地呢？情況也差不多，半生又不死，同事P灰心，可以理解，惟有祝他前程錦繡。
撰文：黃韋龍