早前同大家講過今年AVN最佳脫星得主Adriana Chechik有幾寸，今日就講吓喺另一個頒獎禮XBIZ同樣奪得最佳脫星大獎嘅Katrina Jade 有幾慘啦！點解咁慘，之唔係阿妹愈威，佢老公愈軟，係食軟飯個軟呀！
唔好再問細佬AVN同XBIZ呢兩大頒獎禮有乜分別，查實兩者都一樣具認受性，前者有粉絲參與投票，同時對外開放，當騷咁做，娛樂性豐富；後者則係業界台前幕後以專業角度投票選出得獎脫星，所以喺脫星心目中於XBIZ攞到獎係高人一等！之但係，今屆XBIZ「Female Performer Of The Year」得主Katrina Jade就未必咁諗喇！邊個脫星攞到大獎都會好風騷，好似舊年嘅得主Dani Daniels咁，又拍四仔又拍廣告兼晚晚夜場出騷，收入豬籠入水，真係笑足成年；至於今屆AVN大獎得主Adriana Chechik就寸爆所有睇佢唔起嘅人。相反Katrina Jade卻非常低調，呢頭攞完獎，嗰頭就返去片廠密密砌，完全冇享受過得獎快感。咁有得砌唔係好事咩？無錯係好事，但熟悉Katrina Jade嘅四仔迷都睇得出，阿妹係完全受制於老公囉！單係睇阿妹出席AVN及XBIZ頒獎禮行紅地氈嗰陣，老公Nigel Dictator全程兇神惡煞，跟出跟入，連影大合照都要傍實Katrina Jade，你就知佢幾霸道啦！咁都係因為佢錫老婆啫？錯啦，你睇吓Katrina Jade個面口，一啲笑容都冇囉！雖然阿妹不嬲形象Cool爆，但係佢入場後同姊妹咀嘴Selfie嗰陣，笑到高潮眼，除非話阿妹虛偽，否則唔知用乜形容好囉！
真心定虛偽都好，個獎係真嘅，Katrina Jade被老公操控都係真嘅！點證明？Katrina Jade早喺舊年暑假捧走由Adult Empire舉辦嘅Empire Girl比賽奪得冠軍，實力同地位已獲得肯定，當時阿妹又換超跑又搬大屋，網友睇死佢會飛甩老公，點知阿妹玩真愛，打後有乜搞作都預埋老公嗰份，開製作室，自己接Job，之後連洛杉磯伴遊都撈埋，最低消費為2,800美元90分鐘，成兩皮幾嘢港紙呀！阿妹仲講明只會一個赴約，唔知老公去咗邊呢？行街食飯都算喇，老公Nigel Dictator不單止唔介意Katrina Jade同其他脫星演豆腐戲，仲容許老婆同粉絲執劑！話說今年年頭Nigel Dictator表示幫Katrina Jade喺「onlyfans」社交網開設帳戶，網民只要畀月費12.95美元訂閱頻道，即可第一時間睇到阿妹全裸自拍短片，之後再發文搞個每月粉絲執劑大賽，條件達到1,000人訂閱，每月抽出1位幸運兒同Katrina Jade喪砌兼拍片，如達到2,000人訂閱會有抽3位幸運兒，截稿前為止已有361人訂閱，睇嚟過千數目好快成事。至於點解Katrina Jade身為一線脫星都要咁委屈自己呢？相信只有阿妹自己至知喇！
撰文：祖