所謂好嘅開始係成功嘅一半，喺日本寫真界要成功除咗要靠美貌同身材，識得點樣打響頭炮亦相當重要，好似優質新人原彩香咁識得喺初出道階段做好宣傳工夫，想成功咪唔使再等囉！年方21歲嘅原彩香於上年年尾出道，以現役女子大學生身份拍寫真，展露氣質非凡及婀娜多姿嘅火辣胴體。最近，原彩香又一部新寫真映像作品推出，為宣傳呢部新作《彩香*hatachi》，阿妹將會喺3月4日舉行握手會，當日到場支持嘅朋友只係購買一隻相關作品，可以同阿妹握手、索取簽名之餘，更可以參加泳裝團體攝影會，而同類握手會一般需要買兩隻碟至得呀！買兩隻碟就可以額外參加多一次泳裝團體攝影會，買三隻碟當然有更多着數，就係可以同原彩香作一對一泳裝攝影，阿妹更會為粉絲帶嚟嘅私人物品上親筆簽名，有興趣參加的話就Click上睇睇詳情喇！