有人話男人係來自火星，因為男人天生火氣大又易衝動，而喺兩性關係中，男人亦總係扮演主動嘅角色。其實唔理男人係咪從火星而來，亦唔理男人嘅慾火係咪零舍大，總之喺情慾字海中，有唔少同Mars及火星有關嘅詞語，男女都啱用。
就咁睇落去「M.A.R.S.」好明顯係簡寫字，佢嘅全名係Morning After Remorse Syndrome，意思即係早晨後起床悔恨綜合症。呢個綜合症並非病，只會出現喺前一晚飲大咗嘅人士身上。皆因佢哋飲大咗斷片，第二朝起身時不但發現身邊多咗個人，對方更竟然係件豬扒或者大肥佬，嚴重嘅話，瞓喺身邊嗰個可能一絲不掛添！你話係咪好後悔先？例句：「My buddy, I have a really bad case of M.A.R.S.」（老友，我有一件非常壞嘅事係關於早晨後起床悔恨綜合症。）話說回來，究竟一個人斷咗片後，係咪仲有能力曳曳呢？原來對大部分人嚟講，酒精只會影響短期記憶力，而唔會影響性能力，故此醉後曳曳係絕有可能。
先旨聲明，「Middle Eastern Mars Bar」呢個情色俚語同中東一啲關係都冇，佢只不過係一種調情玩法。不過玩法相當複雜，事前仲要準備好剃刀。首先女伴要用剃刀，將男伴重要部位附近嘅毛毛剃光，然後將已經預熱至融化嘅朱古力漿，慢慢搽勻男士整個重要部位，喺呢個過程中，記得留意朱古力漿嘅溫度，否則燙傷子孫根就唔好啦。當「朱古力棒」同「朱古力蛋」冷卻後，女伴就可以用自己嘅辦法，將朱古力食晒。雖然過程有啲麻煩，但據稱調情效果相當唔錯，有興趣又唔怕煩嘅話可以一試。
提到火星，唔少人會諗起科幻電影，只係喺美國四仔中，亦有一套怪雞作品，同火星有相當大關係，佢就係由美國小型四仔片廠Starr Productions喺2005年推出嘅《Porn Stars From Mars!》。呢套由片廠老闆兼脫星Elizabeth Starr自編自導自演嘅作品，搵嚟Alexis Starr、Summer Cummings、Ron Jeremy等人氣脫星演出。之所以叫佢做怪雞四仔，皆因片中嘅男女脫星皆化身成火星人，個個都扮到天線乜乜B咁款，齋睇造型都幾詭異。故事講述有班火星女人襲地球，呢班火星女人嘅目的好簡單，就係為咗採集男性精華作繁殖之用，一場綠色火星人激戰地球人嘅故事就咁展開。雖然劇情有啲老套，脫星造型勁怪，但卻被美國四仔迷視之為經典喜劇。
縱然係AV迷，相信未必有好多人聽過「火星魂」呢個系列。由日本AV片廠DEEP'S喺2004年推出嘅系列頭炮作《第1回火星魂作品集》，推出後旋即引嚟AV界哄動，皆因冇乜人諗過原來咁嘅內容，竟然可以推出合集！究竟「火星魂」系列係乜呢？簡單嚟講即係重口味，而且口味之重非人人能接受得到，內容包括玩魚、玩蚯蚓、玩昆蟲等，簡直係挑戰人類精神嘅極限。由於頭炮作極具爭議，故此佢喺2006年推出嘅《第2回火星魂作品集》後，就一直冇再推出新作。老實講，佢唔出都好嘅，皆因好地地嘅AV做乜要搞到咁重口味呢？
撰文：魂