做提肛運動 持久力倍升

放鬆鍛煉

男人面對唔少壓力，即使進行床上活動，需要面對嘅壓力亦相當大，怕自己能力不足，未能夠令女伴興奮！據調查顯示，男人平均用3分鐘45秒就發射，但係女人卻平均要進行23分鐘嘅床戰才會感到滿足。心理學教授David Rowland表示好多男人過早洩射，其中一個主因係受到心理壓力及焦慮感影響，男士愈擔心早洩，就愈容易出現所謂嘅「性的雪球效應」，即係一旦感受到自己就快洩射，緊張感愈強，結果就愈快洩射。教授建議男士們可以試吓深吸引，放鬆心情，同時諗吓其他事情以分散注意力。另外，提肛運動亦係一個好方法，據歐洲泌尿外科大會上發表嘅一項研究調查顯示，一組19至46歲嘅男性平均射精時間原為31.7秒，佢哋喺12個星期，亦即係用咗3個月時間試驗提肛練習，結果喺40人當中有33人能夠將持久力4倍之多，睇嚟真係幾有效喎！

早餐食蕉助性

每朝早最緊要食個豐富早餐，好似歐陸式早餐就有齊腸仔、煎蛋、煙肉、茄汁豆、多士同雜菜以及餐飲，隨時要兩個人食至可以食得晒！不過，當中唔少都係高脂高鹽食物，成日咁食法好容易影響身體健康o架！大家如果注重身體健康以及床上幸福，不妨喺早餐多食蔬菜，例如蘆筍富維他命E，仲有香蕉含有嘅豐富維他命B及鉀，同樣可以提升男女雙方嘅性激素水平。喺早上飲杯蜜糖水亦唔錯，蜜糖除咗含有增加活力嘅硼之外，仲可以提升男士體內嘅一氧化氮水平，從而增強勃起時嘅硬度。至於早餐食燕麥，除咗有助提升血管健康，亦有助提升男士體內嘅睾丸酮水平，令人更易產生上床嘅衝動。

最愛鴛鴦浴

男人因為面子問題，愛上一個女仔通常都會收收埋埋，就算成功追到手，亦鮮會向對方講出綿綿情話。然而，女仔亦同男人半斤八両，有嘢又唔講出嚟，例如喺床上唔會講出希望男方點樣刺激自己。不過，我哋都明白呢啲說話好難講出口，唔講亦無所謂，就等性學家Jess O'Reilly幫女仔講出嚟啦！Jess O'Reilly表示好多女仔都希望男方喺床上幫佢哋先進行一陣按摩，因為按摩可以令女方放鬆，亦可以令佢哋身體開始熱暖起嚟，方便迎接往後嘅床戰。另外，鴛鴦浴都係好多女仔想進行嘅「事前活動」，除咗希望大家都咁乾淨之外，因為好多愛情劇集、電影當中都出現過男女主角浸泡泡浴嘅場面。床戰消耗唔少能量，男士們不妨預備定一份甜品或小食，喺床戰後同女伴一齊享用，必定可以氹得女方歡天喜地，而女方高興，分分鐘可以梅開二度，Jess O'Reilly表示女性一般都可以享受多重高潮，對於梅開二度嘅建議多數都會表示歡迎。

撰文：賢