電影《格雷的五十道色戒 2》上映，當中嘅SM情節又再引起好多人討論，更加引起出軌潮添！想喺聯誼活動當中增加溝女成功嘅機會？一陣就搵幾個精通此道嘅日本聯誼會玩家同大家講吓有乜貼士啦！好多人參加聯誼活動除咗為溝女，仲想搵個床伴，提到上床最好就係男女雙方都咁興奮，咁點先可以令女方興奮無比呢？
情慾小說《Fifty Shades of Grey》於2011年出版，並且大受歡迎，同年英國情趣用品商表示業績上升4倍之多，仲話如此爆炸性嘅升幅明顯就係受到該小說嘅影響，因為小說當中出現過好多用上各種情趣道具以及SM玩意嘅情節。最近改編自呢本情慾小說嘅第二部電影《格雷的五十道色戒 2》上映，有冇增加大家購買情趣用品嘅意欲就未知，但係就肯定令更多女性出軌。話說喺2月6日至13日呢段期間，約會網站Illicit Encounters嘅女性用戶突然多咗33%，升幅相當強勁，至於男性用戶亦多咗9%。網站負責人話本來百思不得其解，及後就發現呢段期間正係《格雷2》上映嘅日子，而事有湊巧網站女性用戶有85%表示睇過《格雷》嘅小說或電影，令佢哋嘗試床上新玩法嘅意欲增加，所以不難理解女士們睇完《格雷2》之後更想出軌去搵對象嘗試新玩意。
想結識異性，通常都會搵人介紹，然後幾個男仔幾個女仔一齊舉行聯誼會，一班人有傾有講，有飲有食，同時趁機會物色合適對象發展感情。喺日本就有好多呢類聯誼會，而最近日本兩性關係網站「Menjoy!」就搵咗幾位聯誼會達人為大家提供溝女貼士，第一步係要了解一下班女仔有咩關係，佢哋到底係同事、兒時玩伴定係同學，之後想知道更多心儀對象嘅情報就可以從其姊妹埋手，唔使下下直接問對方。第二就係欣賞女方嘅下半身，其中一位聯誼達人表示，女仔上圍可以用神奇胸圍之類托大，但係下半身就冇得修飾，如果發現女方上圍豐滿，但下身卻不成比例地纖瘦，好有可能係刻意裝大個胸，呢啲女仔就唔適合作長遠發展。第三係大膽少少，問吓女方有冇男朋友，直截了當問好過浪費時間估估吓，更重要嘅係萬一發現個女仔真係有男朋友，其他單身女仔就會覺得自己跑出機會更大，自然玩得更放啦。
女人心海底針，令人難以捉摸，但係如果女人嘅心態好似探囊取物一樣咁容易捉得到，男女之情仲邊度有神秘感同挑戰性，令男人窮一生精力去探取呢！除咗女人嘅心，佢哋嘅G點亦一樣難觸摸，除咗位置隱密，到家陣仲有好多專家研究緊G點是否真實存在。不過，從好多專家以及AV男優嘅經驗話畀我哋知，G點可以解釋為女性陰道內最敏感嘅一點，英國床上貼士專家Laura Hampson最近提供咗4個刺激G點嘅貼士，首先G點一般位於陰道壁內，如果女方平躺於床上，G點就喺內壁上方，通常都會比較凸起。第二係搵出G點之前，最好先做足夠前戲，因為充足嘅性刺激可以令血液集中流到G點，令其更為突出，更容易被發現。第三係用合適嘅體位去刺激G點，就係後進式及騎乘位，但係抽送嘅時候男方未必要完全進入，因為咁樣只會直擊子宮而非G點。最後一個貼士係使用情趣玩具，家陣好多玩具都根據人體工學設計而成，體積、形狀同長度都經過計算，跟住說明書使用就更有效刺激G點喇。
撰文：賢