年度繩綁祭技女俱架勢

日本AV界同SM界有着千絲萬縷嘅關係,一來好多SM界中人都有參與AV拍攝,二來又有好多AV女優參與SM活動表演。早前喺涉谷上演嘅年度SM界盛事繩綁祭中,除咗有各路SM界大師級人馬之外,亦見到班AV女優滿場飛,依家即刻同大家睇番當日嘅繩綁技術同女優有幾架勢啦!

大師雲集

以前覺得SM玩意當中嘅繩綁甚為駭人,但係家陣諗法已經改變,覺得繩綁係一種藝術以及學問。喺上個月22日,新一屆繩綁祭喺涉谷「CLUB Camelot」已經順利舉行,呢個雲集世界各地著名繩綁師聚首一堂嘅大型表演活動,除咗示範繩綁技巧,更有相關研討會,能夠到場觀摩一定獲益良多,就算對繩綁藝術冇興趣,到場見到一班AV女優都爽啦!皆因大會請來眾多AV女優嚟表演,包括美熟女天后川上由、若林美保、涼川絢音,以及引退後依然活躍嘅範田紗紗等等,令繩綁祭春色無邊!

紮到激凸

提到川上由呢位超人氣美熟女,佢一向都同SM界關係非淺,因為佢除咗拍AV出名,亦係一位人所共知嘅繩綁模特兒,喺唔少繩綁藝術書籍都可以見到佢嘅蹤影。當日川上由以一身性感純白天使打扮滿場飛,但係就唔見佢畀人紮到變成大閘蟹,好似埋沒咗一身技能喎!不過,唔係冇原因嘅,你幾時見過AV廠老闆會親身上陣拍AV呢?今次繩綁祭主辦人正正就係川上由,咁佢又點會委屈自己被人綁咁辛苦吖,行行企企,得閒就同粉絲影吓合照,不知幾咁輕鬆!冇川上由表演其實唔緊要,因為場內仲有好多知名女優,好似樣子標致嘅清潔系美人涼川絢音就畀繩綁大師紮到胸部激凸,至於範田紗紗仲扮成黑色性感小野貓,以酥胸半露嘅造型迷倒眾生。

占卜你喜好

除咗一班知名AV女優之外,仲有來自不同單位嘅美人兒,佢哋雖然未必有AV女優咁靚女,但係勝在肯露又肯搏,好似來自日本低腰褲協會班囡囡咁,個個條褲都拉到低一低,露出大半個屁股,搞到班龍友好唔得閒,追住佢哋個股喪影!另外,會場內有好多繩綁體驗,讓有興趣嘅朋友嘗試被麻繩緊緊紮實嘅滋味。若然都係覺得繩綁唔啱玩,又或者唔知自己適合邊一種玩法?場內有一位情趣占卜師,用塔羅牌占卜大家內心深處到底鍾意玩邊一種SM玩意,而為咗表示答謝,大家占卜完之後都會幫襯買番一件情趣用品。除咗多位女優同繩綁大師,到場嘅朋友亦唔會錯過歷代繩綁祭嘅吉祥物,就係由多位大師級人馬合力紮成,盡展上乘綑綁手法嘅麻繩之龍喇!

撰文:賢