搵錢嘅嘢係人都想，最想梗係唔使點做就能夠荷包滿脹啦！不過呢個世界點會有咁着數呢？想搵銀就要動腦筋，好似內地夜場囡囡趁大時大節做出租女友賺外快，至於日本風俗孃則憑住大髀夾爆絕技，獲得玩家激讚，收入和味。
每年喺大時大節嘅日子，內地出租女友活動相當活躍，咁同夜場又有乜嘢關係呢？心水清嘅人都知道，每逢春節唔少夜場都會收爐，當中有囡囡未有返家鄉，於是趁住呢個時候化身出租女友搵外快。不過大家唔好以為佢哋願意出租，就有大把生意喎！事關唔係個個囡囡都咁好彩，能夠順利出租。據講最吃香嘅係有鄰家女孩Feel嘅囡囡，佢哋幾乎每次出租都必定吸引好多客人幫襯；其次最受歡迎嘅囡囡，相信大家都估唔到，就係姣爆型嘅囡囡。按道理，男人租得女友，目的係要帶個女仔返屋企見家長，好讓父母安心，所以太過冶艷嘅囡囡自然難討長輩歡心。原來呢個正係客人租用嘅目的，當其家人唔鍾意個女仔時，下次咪可以明正言順，以失戀為由而單身回鄉囉！
雙胞胎囡囡一直係夜遊界中嘅極品，皆因呢種囡囡可遇不可求，仲要有質素嘅話，更係一生難得一遇，因此孖妹自然成為夜場嘅賣點，更可以賺多一大筆。至於一對喺台灣桃園搵食嘅應召孖妹，卻非以同場上陣嘅方法吸客，而係以互相頂更嘅方式密密搵食。話說桃園警方早前對一間以空姐作招徠嘅應召站進行突擊搜查行動，結果喺一間汽車旅館內，查獲28歲鄭姓男扯皮條、35歲邱姓應召女郎及一對36歲楊姓紅牌雙胞胎姊妹花。據楊姓姊妹稱，佢哋日頭從事美甲工作，夜晚才會提供應召服務，由於樣貌相似，故此有時會互相支援，當其中一個人唔得閒接工作時，另一個就會頂替。至於收費方面，鄭男稱應召女郎每次嘅收費為3,000元新台幣（約750港元），而佢從中抽佣300元新台幣（約75港元）。不過根據資料顯示，姊妹花並未透露佢哋有冇一齊落過場。
按日本風俗法規定，風俗店冇得本番，故此諗出各種令玩家發射升空嘅玩法，好似素股、手作仔同吹奏等，亦因此令唔少風俗娘練就出自己一套絕技。講到夠絕，就要數呢間位於東京五反田嘅出張手作風俗店「寸止手作地獄」，唔少玩家大讚風俗孃不但精於素股技巧，佢哋嘅大髀夾爆絕技，更係令人嘆為觀止。據風俗孃表示，呢招係有名堂，叫做「鋼管舞素股」。點解會有呢個名稱呢？原來同練成呢招嘅過程有關。話說喺去年初，風俗店為咗令玩家有更多嘅娛樂，於是喺每個房間內加設一個鋼管舞台，並搵嚟鋼管舞導師教授風俗孃舞藝，可惜反應唔理想，結果取消咗呢項表演。而一班學完舞又唔想浪費嘅風俗孃，得閒就喺鋼管舞台練舞，久而久之練出強勁腿功，就係咁，成為佢哋嘅絕技。
撰文：魂