雖然話做人唔可以成日望天打卦，但係面對輸在起跑線嘅人生，想成功又無父幹，真係想問吓蒼天點解咁唔公平，唔通連個天都唔鍾意我？幸好人生滿希望，天同Sky有時仲畀到好多快樂我哋，喺情色字海當中，更有唔少關於佢哋嘅詞語！
顧名思義，「Sky Sex」係指天空上發生嘅性愛咁解，只係人天生冇翼，又唔係雀仔，點樣喺天上曳曳呢？方法好簡單，跳降傘就得。咪以為好瘋狂，皆因現實中真係有人咁喪。喺2014年播放嘅美國真人騷《Sex Sent Me to the ER》，其中一集名為「Sex and Sky Diving」嘅男女事主William同Leslie，就喺跳降傘途中交合。話說Leslie想嘗試瘋狂嘅性愛，於是同男友William提議跳降傘曳曳，點知兩人玩得樂極忘形，Leslie唔記得拉開降傘。喺千鈞一髮之際，兩人成功分開並打開降傘，女方安全着地，而男方由於開傘嘅高度太低，結果狠狠咁撻落地而送院。
翻開字典會見到「Pie in the Sky」係指不切實際嘅諗法，但喺情色界佢係指一種難度系數極高嘅性愛體位。玩法係女方先平躺喺床，然後男伴雙手捉住女方雙腿提高，直到女方嘅腳眼高過個頭，形成一個大大嘅「V」字，跟住再從高處送出兵器，讓女方喺下面為男伴吹奏，呢個體位就叫做「Pie in the Sky」。呢招嘅難處在於男伴嘅兵器唔可以太短，同時講求女方腰部有出色嘅柔韌性，仲會對佢條頸造成極大壓力，隨時搞到頸傷腰殘。難怪有人稱呢個動作，係男性嘅「Pie in the Sky」（不切實際嘅諗法）。
唔少人以為美國脫星嘅入行過程，同日本AV女優差唔多，其實兩者之間大有不同，好似美國超人氣脫星Dahlia Sky，就係透過網絡而紅爆四仔界。呢位喺1989年8月10日於美國加州出生嘅脫星，最初並非一心諗住拍四仔。話說佢一直有喺網上Post相嘅習慣，喺2010年10月，四仔經理人公司經Internet聯絡到佢並斟拍四仔，於是佢喺2011年為成人網站FxxkedHard18.com，以藝名Bailey Blue演出處女四仔。人靚身材正嘅佢甫出道，即獲得極高人氣，同年更被成人網站Porn.com選為全球最佳脫星。由於佢個藝名同一間服裝品牌一樣嘅關係，故此2014年1月佢改用現時藝名Dahlia Sky，同年喺AVN頒獎禮中，獲得最佳年度脫星嘅提名。
講到每年注目嘅成人界頒獎禮，美國有AVN，日本則有Sky PerfecTV成人放送大賞。呢個被譽為日本AV界奧斯卡嘅頒獎禮，由日本最大收費電視Sky PerfecTV喺2005年創辦。點解佢能夠喺日本有咁崇高地位？其實歷年日本有唔少AV頒獎禮，但講到規模之大同埋維持最耐，現時只得佢一個。佢嘅選舉方法係每年12月，主辦單位喺官網公布入圍候選名單，再由網民進行票選，然後喺翌年3月進行頒獎禮。固定獎項分別有年度女優獎、新人女優獎、熟女女優獎同優秀作品獎。雖然獲獎者僅得獎盃一座，但由於佢極具公信力，故此深受日本AV界重視。今年嘅頒獎禮將於3月3日舉行，而網絡投票現正進行中，直至2月14日為止，有興趣嘅AV迷不妨到官網adult-awards.com投下神聖一票。
撰文：魂