工作要認真，但係都唔好畀太多壓力自己，除咗影響精神健康，更加會影響床上表現。早前外國有唔少人唔理外界目光，唔着褲坐地鐵，究竟佢哋搞咩呢？女士們要達到高潮唔容易，專家話你知有咩因素影響到女性喺交歡當中得唔到高潮。
好多朋友問我點解成日都笑吟吟，其實好簡單，我唔會畀太大壓力自己，冇壓力自然活得輕鬆又開心啦！其實，大家的確需要適當咁宣洩一下壓力，因為壓力太大足以影響生活，更加會影響性生活質素！性健康專家Samantha Evans表示英國有兩成男士患有不舉問題，當中有部分係因為壓力所致，佢哋能夠透過自娛而勃起同發射，但係當佢哋面對伴侶則不舉，原因之一係怕自己表現未能滿足女方而產生巨大心理壓力，而壓力會令體內腎上腺素水平上升，繼而令血管收窄，流向小弟弟嘅血量減低，自然引致勃起困難啦！
每次乘搭公共交通工具，見到有身穿短裙嘅女仔經過，男士們幾眼瞓都會立即變得好精神，當女仔坐低嘅時候更加會打雀咁眼望到實，不過小弟就冇乜興趣，唔係我扮清高，而係睇慣日本AV同水着寫真，認為着短裙仔實在冇乜吸引，而喺外國更加係濕濕碎。早前1月8日係「No Pants Subway Ride 2017」，即係無褲地鐵日，呢個咁特別嘅日子自2002年開始，由當時只得紐約一個城市及7個人參與，發展到今年有全球超過60個城市參加，當日有上千人響應呢個活動，佢哋乘坐地鐵嘅時候下半身只係着住一條底褲，搞到春色無邊，不過香港咁多「衞道之士」，相信可見嘅將來都未能響應喇！
做人應該顧己及人，好多男人喺床上都係咁諗，希望自己可以喺床上獲得高潮嘅同時，女伴亦可以高潮迭起，為此男士們會花心機同時間增強床上戰鬥力，以求令自己床上表現更加威猛。之不過，美國瓦爾帕萊索大學早前就有一個研究訪問800多位女性，結果當中有48%表示難以獲得高潮感覺。研究負責人David Rowland表示，女性難以得到高潮除咗因為男方嘅表現未如理想等因素之外，仲有三個原因，第一係缺乏性趣，男方可以多同女方傾多啲同性有關嘅話題以及調情說話以提起女方性趣，亦可以嘗試不同方式嘅前戲。第二就係女方太乾涸，解決方法好簡單，只需事前準備一支潤滑劑就得啦！第三係同年紀有關，女性愈年輕，獲得高潮嘅比率愈低，原因同床上經驗淺，未能夠了解清楚自己需要點做至夠過癮不無關係，男士們面對年輕女伴不妨慢慢同對方摸索一番，唔好一埋牙就砌到天昏地暗喇。
撰文：賢