聖誕節唔係過咗咩？點解家陣至介紹呢個嚟自人氣電玩《戰場女武神》女角色之一嘅塞露貝莉亞‧布蕾斯聖誕鹿造型模型？係囉，呢個模型唔單止有啲唔啱Timing，仲要係今年5月至喺日本發售，睇嚟係預備買嚟過今年尾嘅聖誕喎！作為「X'mas Party」系列其中一個模型，撇開推出時間嘅問題，其實佢嘅賣相極有睇頭。雖然塞露貝莉亞外表冷若冰霜，但佢嘅身材卻係火辣辣，唔單止對巨乳夠養眼，巨股加上長腿更係誘人。家陣佢化身成聖誕鹿，身上嗰套比堅尼固然露出度高，胸前深溝更係焦點所在，配合埋頭上嘅鹿角帽，畀到人一種萌味。冷艷又不甘嘅表情，加上萌味極重嘅聖誕鹿制服，構成相當有趣嘅畫面。不論大家係因為佢對巨乳而被迷倒，定係因為聖誕鹿造型夠可愛，都絕對值得入手。