戀愛可以話係日本成人遊戲嘅王道題材，雖然唔憂呢類題材冇市場，但想獲得好評就要諗吓橋，好似呢隻由日本名牌成人遊戲廠Campus推出嘅新作《不幸與幸運與戀愛占卜的塔羅牌》，講述一段青梅竹馬嘅感情，點樣變成愛情嘅故事。話說10年前，擁有強大占卜能力嘅星見茜，為男主角兼好友夏村洪太占卜，結果發現10年後嘅6月，係佢人生最不幸嘅月份，而可以逃出生天嘅方法，就係同一個幸運嘅女人成為戀人。10年時間眨眼就過，性格倔強嘅洪太認為，絕對唔可以為咗逃避不幸而同素未謀面嘅女仔拍拖，否則呢種係對感情唔負責任嘅表現，結果正如星見茜嘅預言，佢一踏入6月即厄運纏身。已成為占卜師嘅星見茜，望住焦頭爛額嘅洪太若有所思：「如果我提議我哋成為戀人嘅話……唔知洪太會覺得點呢？」就咁樣，兩人莫名其妙由老友變成拖友，夾雜住青梅竹馬感情嘅心跳關係，兩人最終會發展成點呢？