很多日本漫畫家自細已立定志向，故此出道歷程大致相同，從同人圈發表作品，再進身漫畫助手，之後正式出道。不過人氣成漫家Erect Sawaru嘅出道經過卻截然不同，從事建築界一段時間才轉投成漫行業。佢嘅作品色氣過人，大可透過其人氣單行本《OPPA INFINITY∞!》見識一下。
日本青森縣出生嘅成漫家Erect Sawaru（簡稱Erect），喺成漫界嘅出道過程頗為轉折。事關佢高中畢業後喺建築專科學校修讀建築課程，畢業後直接到東京嘅建築公司工作。不過自小鍾意畫漫畫嘅佢，一直以嚟都冇放棄過創作，更經常將作品放上同人網同大家分享。佢嘅漫畫夢一直冇停止過，其後更毅然放棄工作，全身投入同人界並以繪畫商業插圖維生。
2005年佢應成人漫畫網站Mellon邀請，發表成人偵探漫畫《魔子小姐的召喚日誌》。憑住出色嘅畫功同埋可愛嘅巨乳美少女，令作品廣受好評。出色嘅成績更被成人漫畫月刊《COMIC天魔》嘅編輯注意，獲得發表機會嘅同時，亦宣告正式喺成漫界出道，其後佢喺另一本成漫月刊《二次元Dream Magazine》連載作品。
2007年佢推出首本單行本《MAGIC》，有趣嘅故事令人氣和銷量飆升，之後佢以每年一本單行本嘅規律推出作品，2011年更進軍動畫界，為成人動畫《幻想漫畫文集 異種姦》進行人物設定工作，同時參與一般向動畫嘅角色設計工作。2016年7月佢遠赴美國，參與洛杉磯國際動漫展，展出多套成人漫畫及動畫作品。透過呢次機會，佢嘅名字終於衝出日本，更為人所熟悉。
《OPPA INFINITY∞!》係Erect嘅第6本單行本，書中收錄咗佢曾於《COMIC天魔》發表嘅作品，包括《實驗！放學後》、《水手服OPPAI !》及《風呂DE OPPAI !》三集短篇、《●[REC]》、《RE:●[REC]》及《●[REC]:FINAL》三部曲、《Love Letter》前、中及後篇、《8月8日，晴》，合共10篇作品。如果大家有留意嘅話，會發覺Erect選擇嘅呢幾篇作品別具心思。《OPPAI》系列以搞笑愛情故事為主題，《[REC]》三部曲則以癡戀為故事核心，《Love Letter》三篇係講述百合之愛，加上《8月8日，晴》嘅清新短篇，書中收錄嘅元素相當豐富。不過講到最令人印象深刻嘅，莫過於《[REC]》三部曲同《8月8日，晴》。
《[REC]》三部曲講述上班族遠夜同真晝嘅癡戀故事。有日真晝同遠夜講，自己將要到美國深造幾年，遠夜雖然不捨，但仍支持其決定，於是佢哋決定用一部手提攝錄機，將相處無多嘅日子記錄下來，以解日後相思之苦，當中梗係唔少得火辣嘅床戰。自真晝到美國後，遠夜每晚都拎錄影帶出嚟回味，有日佢收到真晝嘅自拍錄影帶，當中嘅自娛畫面更令佢興奮無比，不過，原來呢個係惡夢嘅開始。
《8月8日，晴》好似故事名一樣，係一個日記式嘅故事。8月8日，雪菜奉母親之名去到戶間先生屋企，只見戶間屋企七國咁亂，於是雪菜就幫佢執屋同煮飯，跟住雪菜依傍戶間嘅肩膊一齊睇電視，一切過得既平淡又舒服，而慾火亦慢慢燃起。一場激烈嘅纏綿晚上過後，雪菜同戶間講自己已有身孕。戶間聽到雪菜咁講，就仰望天空話：「咁我要好好努力工作喇……」
漫畫名稱：《OPPA INFINITY∞!》
作者：Erect Sawaru
出版：茜新社
頁數：244頁
撰文：魂