有啲成人遊戲玩家鍾意戀愛題材，亦有啲玩家喜歡戰爭劇情，呢隻由日本遊戲商AXL推出嘅新作《它沒傳到王之耳中！》就包含上述兩種元素，加上鹽花不斷嘅情慾場面及上乘畫質，可說是近期唔能夠錯過嘅佳作。故事發生喺Leste王國嘅邊境村落Barrey，男主角Cactus原本直屬Leste國王嘅機關「不知夜之騎士團」，不過由於某種原因而脫離組織，經歷一段流浪生涯後來到Barrey定居。
平日以「村落保鏢」自居，卻係村民眼中「嘥米飯」嘅佢，同村內年輕人過住快樂生活。直到某日，佢見番王都派嚟嘅美女藥師兼義妹Pionyi，同時遇到盜賊團女首領個女、不明來歷嘅大胃王千金，同埋從王都嚟嘅公主等美少女，令本來安穩嘅農村生活翻起波瀾。正當Cactus頭痕之際，領主突然要求村民交出土地，並且徵收超重稅！為咗保護村落，Cactus決定運用以前學到嘅知識同技能，聯同眾女抗爭到底，只係呢次事件原來係陰謀嘅開端。
撰文：魂