成人模型有咁多，想突圍而出真係少啲賣點都唔得，今次介紹嘅模型絕對唔驚冇賣點！大家有冇發覺呢個模型有啲眼熟呢？冇錯！佢就係日本人氣動畫《小雙俠》嘅杜倫布賊黨女首領多龍芝。如果有睇過《小雙俠》嘅話，應該知道多龍芝不但身材勁，衣着更係相當性感，因此經常被佢兩個鹹濕手下毛手毛腳。
喺新登場嘅模型中，佢嘅三圍更加誇張，尤其係一對豪乳，絕對係賣點之一。另一賣點係呢個模型出自日本人氣巨乳聲優御伽貓夢之手，未聽過御伽貓夢個名？日本人氣漫畫《我的女神》嘅作者藤島康介咪係佢老公囉，御伽貓夢喺上年6月宣布懷孕，更引嚟日本漫畫界哄動。第三個賣點就係模型嘅質素極高，不論身材比例，以至身上嗰套皮衫都係上乘之作，大家點可以唔入手呀！
全高：約210mm
售價：￥27,800（約HK$1,907）
發售日期：2017年5月（暫定）
撰文：魂