想靠肉體搵銀，首先你要做脫星，仲要日夜喪砌，咁其實叻極有限喎！真正叻，係你可以唔使落床砌都有人幫你搵錢，自己個名就係銷量保證，世上有冇咁嘅人？四仔界至少有兩個，一男一女，大家睇吓咩叫堅叻啦！
平日睇四仔界新聞，巴打只會留意脫星砌得有幾叻，但當你細心留意，真正叻叻豬喺背後，即係「操控」班脫星嘅老闆！當今最賺錢嘅四仔公司一定有Evil Angel，但講到最火爆，動員能力最強，同時只靠一個人力量嘅，肯定係大導Axel Braun。嗱，呢位惡搞超級英雄大導往績就唔再多講，細佬反而集中吓佢嘅吸金能力。
據IAFD網站顯示，就過去2016年Axel哥惡搞超級英雄四仔只得兩部，分別係《Suicide Squad XXX: An Axel Braun Parody》及《Supergirl XXX: An Axel Braun Parody》，成績曳到爆，但呢啲只係表面，事關佢仲有6部四仔幫Wicked Pictures執導，當中每一套作品都以Axel Braun冠名行頭，即係Axel哥一人包辦拍攝同度橋。一個麻甩佬唔使落場砌，可以用自己個名行頭，呢啲唔只係Power，仲係銷量保證！早前Axel哥開視頻網站「AxelBraunCams」，你就明白佢喺業界嘅分量有幾勁！而佢本身有一個Online Store網站「AxelBraun.com」，全部都係賣佢執導嘅四仔，更細分為最新出品、惡搞系列、大導最愛及得獎作品等供選擇，唔係咁威咁多產，邊得嚟分得咁細，同時網站仲有情趣用品發售，幾乎所有大品牌都有喺度落廣告兼派貨畀佢賣，賣唔到都有錢收，爽到震！平日你上Cam Site無非想鹹濕睇囡囡啫，咁點解要去「AxelBraunCams」呢？莫非會費平啲？囡囡索啲？統統都唔係，因為Axel哥已經係信心保證，佢睇得起嘅囡囡總有個人之處，但唔好諗住Axel會落場玩埋一份，佢只係背後收錢，呢盤生意真係發達！
男人叻，女人都唔弱，英國熟女Tanya Tate應該無人唔識啦，佢都一樣有Online Store，而且唔只賣情趣玩具，仲發展到出Cosplay服同印花Tee，基本上阿姐身上每一吋都可以搵錢，如果你冧佢嘅，可以畀錢買阿姐嘅電話號碼同佢吹水，想睇佢自摸又可以入會睇真人騷，假如你想買阿姐用過嘅嘢，甚至連eBay都有官方頻道，要全面認識阿姐嘅生活，YouTube又幫到你，所有嘢Tanya姐都掠緊水，而每逢大時大節，如剛過嘅聖誕及元旦，佢總係借題發揮促銷藉口，例如四仔買二送一，上網睇片都有85折優惠，賺到幾多錢得Tanya先知，但肯定其他姊妹冇佢咁叻搵銀囉！
撰文：祖