仲喺度諗緊過去一年過成點？其實人生應該向前望，就算過去一年幾咁得啖笑，嚟緊嘅一年都希望日日笑騎騎咁過，日日都咁開心。今次就為大家搵嚟同笑及Laugh有關嘅情色詞語，希望大家喺2017年笑口常開！
「Laughing Fit」嘅中文意思係笑唔停、笑到嘔咁解，但用喺性愛方面卻解做令人興奮無比嘅性高潮。咪住！笑點解會同高潮有關？原來部分女性喺性高潮一刻，會忍唔住發笑，亦因為咁有人用呢個詞語，嚟形容興奮嘅性高潮。其實女性高潮時大笑係有原因嘅，據性學家指女性高潮時，全身肌肉會變得緊張，當中一啲肌肉會不自控咁有節奏同激烈抽搐。當呢種抽搐出現喺喉頭肌群時，女性為緩解肌肉痙攣嘅不適，就會令佢哋忍唔住呻吟、大叫，甚至係大笑。如果男士見到女伴高潮一刻大笑，千祈唔好以為佢喺度取笑緊你呀！
唔好以為「Laugh Sex」係笑住咁曳曳咁解，查實佢係一種調情行為，透過引發性伴侶大笑，從而令對方更易獲得高潮。性學家認為大笑會令人體釋放內啡肽（Endorphin），呢種又稱為安多酚嘅腦下垂體釋放物，有「快樂賀爾蒙」之稱，可以提升整體性快感之餘，同時可減低皮質醇嘅釋放。專家認為如果要引發大笑，最好就係挑逗性伴侶嘅敏感帶。不過亦有性學家認為，大笑反而會影響性行為嘅進行，尤其係一啲身體敏感嘅人，如果透過挑逗敏感帶而發笑嘅話，會導致性趣大減。從呢點嚟睇，大家最好都係深入認識一下對方，睇吓邊種調情方式最為有效。
歐美四仔脫星演出時大叫大喊有唔少，但演出時笑到流晒眼淚嘅卻唔多見。少見唔代表冇，美國就有個勁奇怪又笑聲不斷嘅「Laughter」系列，當中嘅脫星真係笑到捵床捵席！呢個由美國老牌蚊型片廠California Star Productions，自2002年推出嘅系列，作品貫徹一個作風，就係搵嚟一班三線脫星，被人綁住後狂唧，唧到佢哋笑唔停之餘，跟住再被剝光豬繼續唧，直到脫星笑到反晒白眼為止。做乜要咁虐待佢哋呢？皆因California Star Productions係一間專拍愉虐片嘅片廠，喺1982年成立時最初係成人影帶分銷商，及至1985年佢哋成立製作部，專門拍攝各種愉虐題材作品。由於佢哋嘅主力並非拍片關係，故此產量一直以嚟唔多。
AV女優入行嘅原因，不外乎享受做愛、想體驗女優工作、享受人前展現身體等，卻極少坦言為咗錢，故呢位喺1990年4月2日出生嘅茜笑美，話自己為咗還債而拍AV時，即時引起廣大AV迷注意。喺2010年8月出道嘅佢，以AV片廠Erotica專屬女優身份推出處女作《處於懸崖邊緣的地方》。其實茜笑美確實有本錢可以喺AV界搵大錢，可愛嘅長相加上迷人雙峰，外在條件確實出眾。其後佢推出第一套真正曳曳片《性愛中不准跌落與如果我沒有100萬円》，只見佢為咗可以袋走100萬日圓，要忍受眾多男優狂轟嘅同時，口中一張銀紙都唔可以跌落嚟，嗰種狠勁同對錢嘅執着，真係溢於言表！唔知係咪因為出眾外形，令作品銷量唔錯，佢好快就搵夠錢還債，喺2012年推出《請前輩考慮跟年輕的我交往》後就淡出AV界。
撰文：魂