正所謂一分錢一分貨，想享受到好嘅服務，客人就要付出更多錢。日本有風俗店打住高質風俗孃及優質服務作招徠，但收費相當乸脷，按日本現今嘅消費市道嚟講，呢招係咪可以吸引到更多玩家捧場呢？
內地嘅夜遊業界人士，從夜場老闆到侍應最怕就係遇到警察掃場，不過老闆唔係成日喺度可以走得甩，但係由經理級到最底層職員，遇着掃場真係冇得走。話說早前甘肅省定西市臨洮縣嘅一間色情洗浴會所被警方突擊檢查，警方收到線報，指呢間洗浴會所唔單止提供色情服務，更懷疑有未成年少女喺會所內賣淫，於是進行暗訪檢查，搜集晒證據後就採取行動，結果將涉嫌組織賣淫嘅兩名大堂經理、3名男侍應及6名涉嫌賣淫嘅女技師逮捕，行動期間更檢獲會所嘅電腦、數簿同文件。經過偵訊後，警方決定以提供性服務及賣淫行為，對一眾人等處以10至15日行政拘留，部分人士更被罰款5,000元人民幣。至於案中嘅蘭姓未成年女子，則被處以行政拘留12日及罰款3,000元人民幣之餘，同時通知其家人將佢帶回家。不過由掃場到判罰，會所老闆仍未歸案，唔知仲有冇下文呢？
台灣花蓮曾是色情服務業嘅溫床，不過由於地方實在太過偏遠關係，故此好耐之前當地嘅色情服務業已經式微，將淫業移師到台北、台中同高雄人口較多又集中嘅地方。有花蓮嘅玩家指，當地位處偏遠，不但小姐來源少，質素亦唔高，加上收費一啲都唔平，故此當地玩家習慣去台北玩樂。不過，最近佢卻發現有唔少嚟自泰國、新加坡等東南亞地方嘅囡囡喺花蓮嘅市區搵食，部分囡囡同應召站更公開喺網絡社交平台上傳播賣淫訊息，並以免房錢、乜都玩同服務夠齊嚟吸引玩家。事實上，當地警方早前先至喺一間溫泉旅館內破獲一個色情應召站，佢哋以3,500新台幣（約HK$875）嘅全套服務價作招徠，而有關人士更被判以有期徒刑2個月至7個月不等。雖然係咁，但相信未來日子將有唔少色情業者睇中花蓮呢個偏僻地方發展色情業務。
日本有種風俗店叫「Pink Salon」，服務以玩舌技為主，而風俗孃嘅收費按節數嚟收取，每節時間約為20至30分鐘，呢種風俗店嘅定位係快快快，因此玩家上去幫襯亦係為求一洩之快，對於風俗店嘅環境同風俗孃嘅要求都唔高。位於東京錦糸町嘅人妻出張Pink Salon「人妻花壇」，開業已一段日子，主打成熟人妻囡囡，最近佢哋改變收費模式，將以往按節數計錢嘅方法，變成同一般風俗店咁按套餐時間嚟計，而起標時間竟然係80分鐘！須知道一般風俗店嘅套餐服務時間都係45分鐘，80分鐘真係好長喎！風俗店負責人解釋，由於佢哋嚴格挑選風俗孃，並且推出新服務，故此服務時間加長，而收費亦會貴咗，但絕對係物有所值咁話。不過向來以平價做賣點嘅風俗店，家陣收費變成由80分鐘18,000日圓（約HK$1,188）起，又真係貴咗啲喎。
撰文：魂