雖然向坂環早喺2004年推出嘅遊戲《ToHeart2》登場，已有近12年歷史，但至今其人氣仍然有增無減，以佢為主角嘅遊戲、模型、小說等更係長賣長有，每次有新作總係相當受歡迎。今次登場嘅武士造型向坂環模型，係來自《ToHeart2》系列後繼遊戲《ToHeart2 迷宮旅行者》。如果大家有印象嘅話，其實武士造型嘅佢先後出過多次模型，呢個又有乜賣點呢？首先係佢嘅露出程度更高，唔單止有大大條美腿，個心口幾乎完全露出，如果唔係佢隻手遮住嘅話，早就兩點盡露。此外，模型更附上一把東瀛武士刀，只係唔係畀佢用手拎住，而係將佢夾喺兩腿之間，至於點解要有咁嘅擺法，相信唔使多講啦！