每位漫畫家筆下嘅角色都有自己風格，好似鳥山明、井上雄彥等大師創作嘅角色，一睇就知係出自佢哋手筆。日本成人漫畫亦如此，只係佢哋唔單止角色易認，火辣身材更具有個人風格，好似日本人氣成漫家吉川河馬夫，至愛巨乳美少女系列，喺佢嘅單行本《巨乳的風景》就充分體現個人風格。
吉川河馬夫所畫嘅女性角色，幾乎都係巨乳美少女，就算客串登場嘅熟女同樣擁有激凸上圍，兼且有高度視覺效果嘅乳搖表演，難怪有人話佢嘅作品充滿個人風格。呢位出生於大阪嘅成人漫畫家，其實最初並非以漫畫家身份出道，反而專注於插畫工作。喺佢讀書時期，經常喺漫畫社團及網絡發表插畫作品，憑住天馬行空嘅構圖，加上萌味十足嘅美少女角色，令佢當時已頗具人氣。
畢業後佢投身於商業漫畫嘅設計工作，同時開始創作漫畫。過咗冇耐，佢同一班志同道合人士合組同人團體「BOMBAYE計劃」，並以團體名義推出同人作品。由於佢筆下嘅女角色萌味十足，故此好快獲得喺成人漫畫月刊發表作品嘅機會，雖然佢回憶指出，由於畫慣插畫嘅關係，令故事嘅鋪排能力較弱，但作品依然深受成漫迷歡迎，並喺2000年11月推出首本成漫單行本《強襲巨乳星人》。
憑住呢套巨乳作品，不但令佢人氣飆升，更開始其「巨乳」系列創作。先後喺2003年至2006年推出《青空巨乳牧場》、《天然巨乳劇場》、《巨乳的風景》、《發掘巨乳大辭典》多本單行本，以巨乳為題材獲得極佳回響。與此同時，佢開始一般漫畫創作，喺2004年推出《新世紀福音戰士EVA 2》、2007年發表《Hannah of the Z》，仲有2008年連載至今嘅《天元突破 紅蓮螺巖 紅蓮學園篇》等，均係人氣之作。
《巨乳的風景》收錄咗吉川喺成人漫畫月刊《COMIC BANGAIICHI》，於2002年6月至2005年1月約2年半期間發表過嘅作品，當中分別有《秘密特訓》、《被詛咒的少女》、《聖誕客×聖誕客》、《哈紐耶魯的工作指引》、《多層級任務！！》、《多層級任務！！第二回！！》、《多層級任務！！最終回！！》、《草莓牛奶的夏天》、《喜歡性感大膽的內衣嗎？》、《抉擇性的女傭比賽》、《宇宙的CHANGE》及《巨乳的美妙風景》。全部作品都以巨乳美少女作為賣點，當中最過癮嘅故事要數《被詛咒的少女》同《喜歡性感大膽的內衣嗎？》。
《被詛咒的少女》以一個都市傳說為開端，傳說「被詛咒的少女」會勾引型男，而被色誘嘅型男過咗幾日就會失蹤，連神秘現象研究會嘅社員堀田亦因此而失蹤，因此研究會女會長決定委託男社員原田同名倉去調查。接受委託後原田遇到一位妖艷少女，對方更大膽發出侵犯自己嘅請求。
原田以為佢就係「詛咒的少女」，決定同對方去情趣酒店，點知對方卻指自己暗戀咗原田好耐，先至會大膽同對方曳曳，事實係咪咁呢？
《喜歡性感大膽的內衣嗎？》嘅女主角優子係位內衣設計師，由於新設計要畀社長批核，故此佢想問吓男同事田中嘅意見。田中睇過優子嘅設計後，表示性感內衣冇乜特色，連設計部女部長久保嘅新設計都不如理想。眼見死線將至，優子決定讓自己同久保試着佢最新設計嘅性感內衣，原來所謂新設計，是內衣當中含有春藥成分！結果慾火焚身嘅兩人，衝向田中搵佢支兵器解決，只係呢件性感內衣能否過到社長一關呢？
漫畫名稱：《巨乳的風景》
作者：吉川河馬夫
出版：CORE MAGAZINE
頁數：183頁
撰文：魂