搵老公或男朋友就話要後生有幹勁，但喺內地夜場囡囡嘅心目中，老齡玩家先至係最有吸引力。喺日本住過一排嘅老友，認為日本晨衣風俗店好吸引，因為冇諗過晨衣竟然可以成為制服，而嗰種少女閨房味道，更係對佢嚟講非常吸引咁話。
理論上任何年齡嘅玩家，只要去到夜場都會受到歡迎，皆因話晒嚟消費，試問有邊間夜場會唔鍾意？不過近年最受內地夜場歡迎嘅玩家，卻是老齡一族，當中嘅理由其實唔難明，首先去得夜場消費嘅老齡一族都具有一定嘅消費能力，加上佢哋時間比較多，因此去玩嘅次數比後生玩家更多。其次係呢個年齡層嘅玩家性能力一般都下降，而且容易得到滿足，囡囡服務時唔使再一味做做做，對於體力消耗同心理負擔會較輕。最重要係老齡一族較傾向同人傾訴，對於囡囡嚟講點都比真槍實幹嚟得輕鬆。雖然咁講，但有夜場中人表示當中亦有一定風險，好似夜總會咁，玩樂總離唔開酒水，只係老齡玩家唔適宜飲太多酒，如果飲酒過量嘅話，隨時會樂極生悲。
馬伕喺好多人眼中係夠惡同大隻，當囡囡同玩家發生糾紛時，唔打得都睇得。其實大家咁諗有啲膚淺，因為做得馬伕仲要夠醒目，否則好容易累街坊。台灣高雄左營上個月中發生咗一件事，就正正同一個冇帶腦出嚟嘅馬伕有關。話說39歲洪姓馬伕一直以嚟嘅工作，就係喺旅館附近同事先喺網上社交App中預約服務嘅玩家接頭，跟住將對方帶到旅館嘅房間同囡囡交易。本嚟呢份工好易做，而按照慣例，為免引起有關當局嘅懷疑，通常會揀旅館附近嘅隱蔽地方同玩家見面。不過洪男唔知係咪貪方便，竟然經常約啲玩家喺旅館門口等。須知道旅館門口有兩個男人接洽，點睇都覺得好有可疑，於是引嚟有關當局注意，並且進行放蛇行動。喺警方埋伏期間，發現洪男每次都會同一位囡囡去到旅館，然後再喺旅館門口等人，就咁樣斷正，連喺房內進行服務嘅囡囡亦拉埋招。
晨衣即係清晨所着嘅便服，其設計有啲似浴袍，咁同日本東京吉原嘅泡浴風俗店「Precious」有乜嘢關係呢？原來呢間喺今年10月開業嘅風俗店，除咗以嬌膚吹彈可破美少女風俗孃作為賣點外，更以晨衣作招徠。可能大家覺得奇怪，晨衣點睇都唔似係可以吸引玩家嘅噱頭，只係大家從日本嘅風俗文化嘅角度去睇，就會明白當中特別之處。日本嘅泡浴風俗店絕大部分都有自家風俗孃制服，從而顯示出佢哋對玩家嘅尊重。而呢間店讓風俗孃以晨衣上陣，目的係令玩家產生親切住家感覺，又可以透過晨衣展現少女嘅青春魅力。據呢間風俗店介紹，為咗增加少女味道，店內嘅房間設計成好似少女閨房一樣，等玩家入到房後，恍如置身喺少女屋企，感覺更加特別。當然，講到最實際嘅問題梗係收費，新張期內以60分鐘10,000日圓（約$710港元）起嘅價錢提供服務，唔知對玩家嚟講，晨衣定價錢吸引啲呢？
撰文：魂