對於全球人民，近期最震撼嘅新聞當然係老特獲選為美國總統，不過對於全球AV迷嚟講，最關心嘅議題就一定係日本AV界年度最矚目頒獎典禮「AV OPEN 2016」喇！今屆一如以往有多間日本AV廠為爭奪最高榮譽「日本一」，而花盡人力物力同心機時間拍AV，令各獎項入圍名單多姿多采，之但係做得幾好都係徒然，因為獎項畀一位實力空前強大嘅新人以狂風掃落葉式連環勁擸，佢就係「寫真界救世主」高橋聖子喇！
AV OPEN舉辦嘅目的，係為表揚年度出色嘅AV作品，今屆仲新增多個獎項，同時表揚傑出女優、男優以及監督。由於AV OPEN得到全日本眾多AV廠以及業界人士鼎力支持，故氣勢與認受性以及注目度已經超越有「日本AV界奧斯卡」之稱嘅Sky PerfecTV成人放送大賞，備受全球AV迷關注！
今屆AV OPEN頒發嘅獎項，一如以往有別號「日本一」嘅綜合大獎，此外眾多作品亦會按主題性，分類為9個不同界別，包括女優部、企劃部、乙女部、綜藝部、素人部、戀物部、Hard部、紀錄片部及人妻部。9個部門嘅冠亞季軍都可以獲得獎金，計埋其他獎項，獎金總值逾千萬日圓，成為歷屆之冠！「AV OPEN 2016」經已喺展覽場館「Differ有明」圓滿結束，各獎項亦已頒發完成，男優賞由1990年出道拍AV，演出作品超過10,000部嘅49歲男優田淵正浩奪得！日本AV界歷來都係以男人做監督為主，知名嘅有亨利塚本、三島六三郎等，今次AV OPEN第一次增設監督獎，結果由女監督真咲南朋獲得，令獎項變得更有意義，相信亦對女性擔任監督工作有推動作用。
雖然兩個獎項都分量十足，但係就唔夠一位新人女優嘅賽果咁令人震驚，佢就係有「寫真界救世主」之稱，今年年中由寫真界轉戰AV界嘅高橋聖子喇！現年23歲嘅AV界新人王高橋聖子，曾經喺寫真界叱咤風雲，投身AV界後不但成為AV人氣王三上悠亞嘅師妹，甫出道即挾住寫真界名氣，以及誘人身材成功俘虜AV迷嘅心，今次佢憑住同AV廠Moodzy合作嘅作品《Gカップ完璧ボディ芸能人 高橋しょう子 MOODYZ AVデビュー!!》一口氣狂擸7個獎，分別係「綜合大獎」、「女優賞」、「作品賞」、「セル売上賞」、「配信売上賞」、「レンタル売上賞」及「女優部門賞」，令聖子成為7冠王，呢個結果實在太驚人喇！
另外，向殭屍片「致敬」嘅作品《護符天誅！幽幻導師列伝》就獲得AV業內人士投票選為「AV金球獎」。不過呼籲大家千祈唔好搵命博，雖然呢部AV拍得相當認真，充滿香港人熟悉嘅道長捉殭屍情節，但係演出嘅女優全部都係「阿婆級」，仲要化埋殭屍妝，乃重口味作品中嘅極品，睇完後果自負！
高橋聖子啲獎拎完又頒，來來回回上領獎台好幾次，最後一次領到「綜合大獎」，即係「日本一」嘅時候，本來已經情緒高漲，兼且已經眼濕濕嘅聖子終於都忍唔住流下眼淚！咁又係，聖子今年出道就成為7冠王，如果換轉係我唔只流眼淚，失禁都有份啦！而聖子手執「日本一」寶座嘅時候，流住淚咁表示自己有一段日子相當失落，當時佢喺寫真界發展如日方中，卻被人揭發曾經做過援交妹，因此被事務所勒令禁足所有活動，令其人生好似跌入黑暗深淵一樣，投身AV界之後令佢猶如浴火重生，由黑暗世界跳到一個光明又美麗嘅新世界，而「日本一」呢個獎更令聖子下決心將作為AV女優嘅偉大使命發揚光大！
聖子成為前無古人嘅AV界7冠王當然相當開心又感動，而一心憑作品《巨乳マニアックスJ》喺「戀物部門」攞番個冠軍，以及喺女優獎揚威嘅J奶女神Julia今次只係喺戀物部門得到季軍，女優獎更加冇佢份，但係領獎時Julia依然表現得相當高興，喺隨後嘅攝影會及表演當中亦一樣蓮子蓉咁嘅面口，其他女優又係咁喎，到底係佢哋演技好，定係AV界一團和氣，大家都唔會太介意得獎與否呢？
撰文：賢